1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

«Шайх Муҳаммад Содиқ Муҳаммад Юсуф» мажмуасида кўзи ожизлар ўртасида «Асмоул-ҳусно» танлови ўтказилди

18:50 / 25.03.2021 1478 pdf Ўқиш режими + -

Имом Байҳақийнинг «Зуҳдул кабир» китобида Фузайл ибн Иёз роҳимаҳуллоҳ шундай дейдилар:

Тафаккур қилинглар ва надомат чекишдан олдин билиб-ўрганинглар. Дунёга мағрур бўлманглар. Соғлом киши бир куни касал бўлади, янги нарса бир куни эскиради, неъмат бир куни тугайди, фаноликка юз тутади, ёшлик ҳам кексалик сари равона бўлади.

Шундай экан, Яратган Роббингни ёдга олишинг, Унинг санъати асари бўлмиш коинот ва ундаги барча мавжудот-махлуқотларнинг яратилиши ҳақида тафаккур қилишинг, беихтиёр лол қолиб, У зотга ҳамд айтишинг, ўзингни ҳам, борингни ҳам асрайдиган мустаҳкам қўрғондир.

Бугун 25 март куни «Шайх Муҳаммад Содиқ Муҳаммад Юсуф» мажмуасининг анжуманлар залида имконияти чекланганлар, яъни кўзи ожизлар ўртасида «Асмоул-ҳусно» танлови ўтказилди. Танлов эркак ва аёл-қизлар ўртасида бўлиб ўтди. Иштирокчилар Аллоҳ таолонинг гўзал исмларини ёд олган ҳолда ўз қобилиятларини намойиш этдилар. Сизу бизга ибрат ва намуна ўлароқ ўтган танловни Ўзбекистон мусулмонлари идораси ва «Вақф» хайрия жамоат фонди юқори савияда ташкиллаштириб берди. Очиғи, соғлом инсон ушбу танловни кузатар экан, барча иштирокчиларнинг маҳоратига тан бермай иложи йўқ. Айниқса, тажвид қоидаларига риоя қилган ҳолда ва равон қатнашган иштирокчиларнинг чиқиши барчанинг қалбидан чуқур жой эгаллади десак муболаға бўлмайди. Эй инсон, қалб кўзингни оч, ҳозир сенда барча имкониятлар муҳайё, Аллоҳга тавба қилишга, Унга шукр ва итоат этишга шошил деган ҳис туйғулар ўтган бўлса неажаб.

Тўғриси, танловда қатнашган иштирокчиларнинг имконияти чекланган дейишга тил ожизлик қилди. Чунки у ерда ожизлар биз эдик.

Тадбирга «Вақф» хайрия жамоат фонди раҳбари Яҳё домла Абдураҳмонов, «Шайх Муҳаммад Содиқ Муҳаммад Юсуф» жоме масжиди имом ноиби Ҳасанхон Яҳё Абдулмажид, Хайруллоҳ ҳожи Акромов ва Ўзбекистон мусулмонлари диний идораси ходимаси Мунира Абубакирова, Тошкент шаҳар ҳокимияти вакиласи Дилбар Аҳмедова, Тошкент шаҳар бош отинойиси Зулайҳо Соатовалар ташриф буюришди.

Тадбирда иштирокчилар томонидан салавотлар, нашидалар айтилди.

Иштирокчиларнинг чиқишларини жамоатчилик вакилларидан иборат ҳакамлар ҳайъати баҳолаб борди.

Эркаклар ўртасида бўлиб ўтган мусобақада 3 ўрин соҳиби Камолиддин Салоҳиддиновга насиб этди.

2 ўрин совриндори Муҳаммад Тўхтасинов бўлди.

Биринчи ўринни эса икки киши эгаллади. Улар Искандар Исмоилов ва Давронбек Зиёвиддиновлар бўлишди.

Аёл-қизлар ўртасида эса 3 ўрин соҳибаси Ҳалима Жумаева бўлди.

2 ўринни Муштарий Жамилова эгаллади.

Олий, биринчи ўрин ғолибаси Дилафруз Нодировага насиб этди.

Ғолибларга ва совриндорларга, вақф хайрия жамоат фонди томонидан қимматбаҳо мукофотлар, Qur’on.uz cайти эса Брайл алифбосидаги Қуръони Карим ҳамда барча иштирокчиларга «Шайх Муҳаммад Содиқ Муҳаммад Юсуф» мажмуаси томонидан бир порали Қуръони Карим ва эсдалик совғалар топширилди.    Танлов якунида «Вақф» хайрия жамоат фонди раҳбари Яҳё домла Абдураҳмонов дуолар қилиб берди.

Хуршид Маъруф тайёрлади

Манба
islom.uz
Мавзуга оид мақолалар
Кеча, 19 октябрь куни Озарбайжоннинг Боку шаҳрида Туркий давлатлар муфтийларининг IIIйиғилиши бўлиб ўтди. Унда Ўзбекистон мусулмонлари идораси раиси, муфтий давоми...

828 17:51 / 20.10.2022
Жорий йилнинг 10 октябрь куни Қирғизистондаги ҚирғизТурк Манас университетининг Илоҳиёт факультетида халқаро конференция ўз ишини бошлади. Бу ҳақда Имом Бухорий давоми...

1642 14:12 / 13.10.2018
Мамлакат Туризм вазирлиги саккизта давлатга Озарбайжон, Aлбания, Ўзбекистон, Жанубий Aфрика, Грузия, Тожикистон, Қирғизистон ва Малдив оролларига .электрон низом, давоми...

885 10:54 / 09.08.2023
AlBayan нашрининг хабар беришича, Ғазо секторининг Жабалия шаҳрида яшайдиган Али Иваз саккиз ёшга тўлган. У бундан саккиз ой аввал Қуръони каримни ёд олишни бошлаган давоми...

3910 09:31 / 15.01.2019
Аудиолар

118746 11:58 / 10.10.2018
«Ҳилол» журнали
Китоблар

40707 14:35 / 11.08.2021