Папа Франциск Ур шаҳрида Қуръон тинглади
Рим Папаси Франциск Ироққа қилган тарихий ташрифи доирасида Носириядаги қадимий Ур шаҳрига ташриф буюрди дея хабар беради iqna.ir манбаси. Папа у ерда Қуръони Каримни тинглар экан, зўравонлик ва терроризм диндан келиб чиқмаслигини маълум қилди.
Қуръон тиловатидан кейин нутқ сўзлаган Папа, терроризм Ироқга жуда катта салбий таъсир қилганини таъкидлаб ўтди.
Террористик ташкилотлар Ироққа ҳужум қилганда, Папа мамлакат тарихининг бир қисмини ташкил этадиган монастр ва черковларга зарар етканлигини айтди.
Ташриф чоғида: «Ироқдаги уруш улкан вайронагарчиликларни келтириб чиқарди. Одамлар, айниқса, Ироқнинг шимолида яшовчи халқ езидийлар, бундан азият чекишган. Минглаб езидийлар ўлдирилди, болалар ва аёллар зўравонликка учради», дея эслаб ўтди Папа Франциск.
Бундан ташқари барча динларни терроризмга қарши туришга чақирган ва терроризм ҳақида муҳим маълумотлар берган Папа: «Иймон Иброҳим пайғамбар туғилган жойда пайдо бўлди. Зўравонлик ва терроризм диндан келиб чиқмайди» деди.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
