«Йил танлови – 2020» ғолиблари тақдирланди
Бугун, 10 март куни Ўзбекистон мусулмонлари идорасида интернет кузатувчилари ўртасида ўтказилган «Йил танлови – 2020» ғолиблари аниқланди. Бу ҳақда Ўзбекистон мусулмонлари идораси матбуот хизмати хабар берди.
Танлов икки йўналишда «Энг обод масжид» ва «Йил имоми» босқичида ташкил этилиб, энг кўп овоз тўплаган номзодлар ғолиб деб топилди.
Унга кўра, «Энг обод масжид» йўналиши бўйича 1 ўрин Қорақалпоғистон Республикаси Нукус шаҳридаги «Имом Эшон Муҳаммад» жоме масжиди, 2 ўрин эса Хоразм вилояти Урганч шаҳридаги «Охун бобо» жоме масжиди, фахрли 3 ўрин Андижон вилояти Қўрғонтепа туманидаги «Рамазон қори» жоме масжиди эгаллади.
«Йил имоми» йўналиши бўйича 1 ўрин Андижон вилояти Балиқчи тумани «Оққўрғон» жоме масжиди имом-хатиби Рустамжон домла Ҳамидовга насиб этди. 2 ўринни Тошкент шаҳар Олмазор тумани «Имом Термизий» жоме масжиди имом-хатиби Исҳоқжон домла Бегматов, фахрли 3 ўрин эса Наманган вилояти Тўрақўрғон тумани «Қўчқор ота» жоме масжиди имом-хатиби Муҳаммаджон домла Солиевга насиб этди.
Ғолибларга қимматбаҳо пул мукофоти, диплом ва эсдалик совғалар топширилди.
Аллоҳ таоло дин йўлида хизмат қилаётган юртимиз уламоларидан Ўзи рози бўлсин, халқимиздан буюк олимлар чиқишини насиб этсин!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
