Индонезияда «Шайх Зайд» масжидининг нусхаси қурилади
Индонезияда «Шайх Зайд» масжидининг нусхаси қурилади. Бу ҳақда islam.ru сайти хабар беради.
Амирликнинг энг юқори мартабали амалдорлари Индонезиядаги «Шайх Зайд» масжидининг нусхасини қуришга замин яратиб берадилар. Масжид Индонезия президенти Жоко Видодонинг она шаҳри бўлган Марказий Ява вилоятининг Соло шаҳрида қурилади.
2019 йил июль ойида Жакартага Абу Даби валиаҳд шаҳзодаси Муҳаммад бин Заид Ал Наҳайян ташрифи чоғида БААнинг энг катта масжидининг нусхаси Видодога совға қилинган эди.
«Масжид Абу-Дабидаги масжидга 100% ўхшаш бўлади, баъзи жойлари Индонезия безакларини ўз ичига олади ва маҳаллий материаллардан максимал даражада фойдаланади», дейди Индонезиянинг БААдаги элчиси Хусин Багис.
3 гектар майдонда қуриладиган масжид тўртта минорадан иборат бўлиб, лойиҳага биноан асосий гумбаз кичикроқ гумбазлар билан ўралган бўлади.
20 миллион долларлик масжид лойиҳаси 2022 йил сентябрь ойигача тайёр бўлиши режалаштирилмоқда.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
