1442 йил 9 Рамазон | 2021 йил 21 апрель, чоршанба
Минтақа:
ЎЗ UZ RU EN
Раддия

Уламолардан тилингни тий!

11:00 / 25 февраль 638 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Қуръони Каримда аҳли илмларни мақтаб шундай деб марҳамат қилган:

يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انشُزُوا فَانشُزُوا يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ

«Эй иймон келтирганлар! Агар мажлисларда сизларга «Жой беринг», дейилса, бас, жой беринг, Аллоҳ сизларга ҳам жой берадир. Агар «Туринг», дейилса, турингки, Аллоҳ сизлардан иймон келтирганларни, хусусан, илмга берилганларни даражаларга кўтарур. Аллоҳ нима амал қилаётганингиздан ўта хабардордир» (Мужодала сураси, 11-оят)

Абу Дардо розияллоҳу анҳу айтади: «Набий соллаллоҳу алайҳи васаллам: «Олимнинг обиддан ортиқлиги, менинг сизларнинг энг пастингиздан ортиқлигим кабидир. Дарҳақиқат Аллоҳ ва Унинг фаришталари, осмонлар ва ер аҳллари ҳатто уясидаги чумоли ва ҳатто балиқ одамларга яхшиликни таълим берадиганга саловат айтади», дедилар». Абу Довуд, Термизий ва Ибн Можа ривояти.

Олимга душманлик қилган одам Аллоҳга уруш қилганга ўхшайди. Аллоҳ азза ва жалла билан урушган ғолиб бўлармиди?! Расулуллоҳ соллаллоҳу алайҳи васаллам айтадилар: «Аллоҳ айтади: «Ким менинг дўстимга душманлик қилса, унга уруш эълон қиламан».

Бухорий ривояти.

Ибн Ҳажар роҳматуллоҳи алайҳи айтади: «Аллоҳнинг дўстидан мурод Аллоҳни танийдиган, Унинг тоатида доим бўладиган олимдир» (Фатҳул Борий, 11-жилд, 342-бет).

Ибн ал-Жавзий раҳимаҳуллоҳ «Ким мусулмонларнинг обрўсига тил теккизса, уларнинг тирноғи остидан кир қидириб, айбларини очишга уринса ўлим келган пайтда Аллоҳ унинг тилини шаҳодат калимасини айтишдан тўсиб қўяди» деганлар.

Уламоларимизни калака қилишга уриниб, турли видеоларни монтаж қилиб, уламолар ҳақида ҳақоратли гапларни постига жойлаётганлар!

Ислом душманларини ҳам шунчалик ёмон кўрасизларми?

Уламоларни ҳақорат қилишдан тийилмаётган тилларингиз ўлим пайтида калимаи шаҳодатни айтишдан тийиб қўйилишидан қўрқмайсизларми?

Уламоларни масхара қилиш учун уринаётган тилларингиз, оёқларингиз ва қўлларингиз қиёмат куни ўзингизга қарши гувоҳлик беришидан қўрқмайсизларми?

Ўша сиз турли лақаблар қўйиб, ёмон кўраётганингиз аҳли илм сизнинг наздингизда Ислом душманларидан ёмонроқми?

Бир мусулмонни устидан кулаётганингиз ҳақида ўйлаб кўрасизларми?

Суҳайл Андалусий раҳматуллоҳи алайҳ айтади: «Бир қўшнимиз бор эди. Аллоҳ бойлик ва обрўни бериб қўйган, жуда сердавлат эди. Унинг энг ёмон одати дин олимларини калака қилиш ва уларга азият бериш эди. Бир куни Аллоҳ розилигини истаб насиҳат қилдим. У мени камситиб уйидан ҳайдади. Аллоҳга қасамки, орадан 20 йил ўтиб фалаж бўлиб қолди. Мол дунёсидан айрилди. Муҳтожликдан шаҳар бозорида тиланчилик қила бошлади. Бир куни бозорда кўринмай қолди. Орадан уч кун ўтиб, бозор орқасидаги ташландиқ жойдан жасади топилди. Бутун шаҳар уламолари азият кўрган бу инсоннинг ниҳояси мана шундай якун топди».

Абу Ҳанифа ундоқ, Бухорий бундоқ, фалон олим фалон дейдиганларга ҳар қанча тушунтирманг, тушунишни истамайди. Шунақаларни айлантириб солсанг.

Ҳой тилига эрк бераётганлар, уламоларга сакраманглар, тилларингни тийинглар!

Аллоҳ таоло барчамизни мағфират этсин, Ўзининг ҳидоятидан айирмасин ва хотимамизни чиройли қилсин!

Манбалар:

Quran.ksu.edu.sa

Islom.uz

Muslim.uz

Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
25савол. Пайғамбарларинг тақводор ва Худонинг элчиси деб қандай даъво қилишларинг мумкин, ваҳолонки вояга етмаган ёш гўдакларни бузган бўлса, шу жумладан унга бор давоми...

5223 20:52 / 22.04.2017
18савол. Муҳаммад савнинг 625 йил Бани Қурайза қабиласини қатл қилиши Исломнинг шафқатсизлиги, зулмкорлигидан, ҳисобланади. Муҳаммад сав Мадинада бир кунда 700та давоми...

2151 20:44 / 22.04.2017
19савол. Ислом ndash уруш, жиҳод динидир. Сизлар китобларингиз ва тарихларингиз бу тўлалигича жиҳоддан иборат бўла туриб қандай мунофиқларча ўз тинчликсеварлигингиз давоми...

4417 20:46 / 22.04.2017
11 савол. Қуръонда Аллоҳни маккорларнинг энг яхшиси деб аталган. Бундан ташқари У одамларни масхара қилади , устларидан кулади дейилади. Наҳотки масхара қилиш ва давоми...

2537 20:40 / 22.04.2017
Аудиолар

57424 11:58 / 10.10.2018
«Ҳилол» журнали
Китоблар

1882 14:48 / 30 март
Топ рейтинг www.uz Openstat