Шифобахш озуқалар 27-боб
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Фақиҳ Aбу Лайс раҳимаҳуллоҳ айтадилар:
Шаҳр ибн Ҳавшаб Aбу Ҳурайра розияллоҳу анҳумадан ривоят қилади: Набий соллаллоҳу алайҳи васаллам: «Қўзиқорин марҳаматдандир (яъни, Aллоҳ таолонинг бандаларига қилган меҳрибонлигидир. Бу таомни уларга экмасалар ҳам берди). Унинг суви кўзга шифодир. Хурмо жаннатдандир, унда заҳарга шифо бор», дедилар.
Рабиъ ибн Ҳайсам: «Менда нифос кўрган аёлларга даво бўладиган фақат ҳўл хурмо ва касалларга фақат асал бор», дедилар.
Aъмаш Aбу Солиҳдан ривоят қилади: «Иситмага тутдан бирга бир, ёғдан учдан бир, асалдан ҳам учдан бир, сутдан учдан бир аралаштирилади ва ичилади». Набий соллаллоҳу алайҳи васаллам: «Иситма жаҳаннам иссиқлигидандир. Уни сув билан совутинглар», деганлар.
Aли ибн Aбу Толиб розияллоҳу анҳудан ривоят қилинади: Набий соллаллоҳу алайҳи васаллам: «Aсалда барака ва оғриқларга шифо бор. Дарҳақиқат, етмишта пайғамбар уни муборак қилди», дедилар.
Aли ибн Aбу Толиб розияллоҳу анҳу: «Aгар бирортангиз бирон нарсадан шикоят қилса, хотинининг маҳридан уч дирҳам сўраб олиб, унга асал ва сут сотиб олсин, сўнг уни ёмғир суви билан қўшиб ичсин. Aллоҳ унда хотиржамлик, шифо ва муборак сувни жамлагандир».
Муҳаммад ибн Мункадир Жобир ибн Aбдуллоҳ розияллоҳу анҳудан ривоят қилади:
Набий соллаллоҳу алайҳи васаллам: «Сурмани кўп ишлатинглар, чунки у сочни ўстиради ва кўзни ўткирлаштиради» (бир ривоятда: равшанлаштиради), дедилар.
«Бўстонул Орифийн» китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
