«Қуръони Карим мусобақаси 1442» олтинчи ҳафта саралаш босқичи
Кимки Қуръон ўқувчидир, азоб бўлмас,
Яна Қуръон ўргатганга ҳисоб бўлмас.
Маъно билган зотга парда-ҳижоб бўлмас,
Васли аён бўлсин десанг, Қуръон ўқи.
Мирзо Кенжабек
Қуръон қалблар шифосидир. Қуръон ўқиган, Каломуллоҳни имон, ихлос билан эшитган одамнинг қалби иллатлардан покланади. Инсоннинг гавҳари бўлмиш қалб тузалдими, бошқа ҳамма аъзолар фаолияти жойида бўлади. Қалби пок инсон ҳаромдан ҳазар қилади, эзгу амалларга мойил бўлади.
Юртимизда «Қуръони Карим мусобақаси 1442» олтинчи ҳафта саралаш босқичига старт берилди. 10 февраль куни ҳифз йўналиши бўйича 9 нафар мураттаб қориларимиз иштирокида мусобақа ўтказилди.
Ҳифз йўналиши 6-ҳафта иштирокчилари:
1. Сайдуллоҳ Нуриддинов ― Фарғона вилояти ― тадбиркор
2. Муҳаммадиброҳим Каримов ― Андижон вилояти ― талаба
3. Муҳаммадхон Мухтаров ― Фарғона вилояти ― савдогар
4. Саидфайзуллоҳ Саидумархонов ― Фарғона вилояти ― тадбиркор
5. Ҳабибуллоҳ Ортиқов ― Фарғона вилояти ― тадбиркор
6. Раҳмон Баҳодирхўжаев ― Наманган вилояти ― тадбиркор
7. Муҳаммад Содиқ Маҳмудов ― Тошкент вилояти ― ўқувчи
8. Хайруллоҳ Зокиров ― Наманган вилояти ― талаба
9. Аббосхон Обидов ― Тошкент вилояти ― талаба
Ҳакамлар ҳайъати ҳар бир қорининг ҳифзи мустаҳкамлиги, тажвид қоидаларига риоя қилиши, оятларни аниқ ифода қилиши масалаларига алоҳида эътибор қаратдилар.
Ушбу ҳафта ғолиби андижонлик Муҳаммадиброҳим Каримов 248,25 балл олиб, биринчи ўринга лойиқ кўрилди. Фарғоналик Саидфайзуллоҳ Саидумархонов 224 балл тўплаб 2-ўринни эгаллади. Фарғоналик яна бир қори — Ҳабибуллоҳ Ортиқов эса 223 балл билан 3-ўринни забт этди.
Ғолибларга махсус сертификат ва Қуръони карим ҳадя қилинди. Биринчи ўринни олган Муҳаммадиброҳим Каримов супер финалга йўлланмани қўлга киритди.
Бугун тиловат йўналиши бўйича иштирокчилар саралаб олинади.
Тиловат йўналиши 6-ҳафта иштирокчилари:
1. Aбдулбосит Расулов – Фарғона вилояти
2. Aбдуллоҳ Ғаниев – Қашқадарё вилояти
3. Муродуллоҳ Носиров – Aндижон вилояти
4. Aлишер Aлимов – Самарқанд Вилояти
5. Aбусаид Aтоев – Навоий вилояти
6. Раҳматуллоҳ Рўзиаҳунов – Aндижон вилояти
7. Мамасидиқов Камолиддин – Фарғона вилояти
8. Низомиддин Исмоилов – Тошкент шаҳри
9. Исоқали Салоҳиддинов – Сурхондарё вилояти
10. Баҳоуддин Туйлиев – Тошкент шаҳри
Ушбу мусобақани «AzonTV» ва унинг ижтимоий тармоқлардаги саҳифалари орқали кузатиб боришингиз мумкин!
Эслатиб ўтамиз Қуръон мусобақасида иштирок этмоқчи бўлганлар ҳафтанинг ҳар душанба куни соат 08:00 дан 13:00 гача @azonquronbot манзилида ариза тўлдиришлари мумкин.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
