ЭЪЛОН
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Маълумки, islom.uz портали шеърият мулкининг султони Алишер Навоий таваллудининг 580 йиллигини муносиб нишонлаш мақсадида «Арбаъин» номли танлов эълон қилган.
Ушбу танловда рўйхатдан ўтган аёл-қизларимиз ўртасидаги мусобақа шанба, 6 февраль куни соат 10:00 да ўтказилади. Эркаклар ўртасидаги мусобақа эса якшанба, 7 февраль куни соат 9:00 да бошланади. Шу куни ғолиблар ва ғолибалар аниқланиб, мукофотлар ва эсдалик совғалар топширилади.
Эслатиб ўтамиз, танлов икки йўналишда ўтказилади.
Биринчи йўналиш:
— ҳадисларнинг ўзбекча таржимасини айтиш.
— тўртликларни ифодали ўқиш.
Иккинчи йўналиш:
— ҳадисларнинг ўзбекча ва арабча матнини айтиш.
— ҳадиснинг ровийсини билиш.
— тўртликни ифодали ўқиш.
Ҳар икки йўналишда ҳам иштирокчилар билет танлашади. Ҳар бир билетда тўртта рақам бўлади. Иштирокчилар шу рақам остидаги ҳадис ва тўртликларни ёддан айтиб беришлари керак.
Ушбу тадбирга рўйхатдан ўтган иштирокчилар киришади.
«Арбаъин» танлови «Ҳилол-нашр» нашриётининг мажлислар залида бўлиб ўтади.
Манзил: Тошкент шаҳар, Чилонзор тумани, Сўгалли ота 5-уй.
«Арбаъин» танлови мусобақаларини islom.uz порталининг ижтимоий саҳифалари орқали кузатиб боринг.
Аллоҳ таоло хайрли ишларимизни бардавом қилсин!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
