Илон Маск Хон Академиясига 5 миллион доллар хайрия қилди
Бугунги кунда Хон Академияси бутун дунё бўйлаб бепул таълим берувчи ва энг яхши рақамли таълим масканларидан бири деб тан олинган.
Tesla ва SpaceX бош директори Илон Маск ушбу Хан Академиясига 5 миллион доллар хайрия қилди. Бу ҳақда theislamicinformation.com манбаси хабар берди.
Хон Академиясининг асосчиси Салмон Хон ўзининг YouTube ижтимоий саҳифасида жойлаштирилган видеомурожаатида Илон Маскга хайрия учун миннатдорчилик билдириб ўтган.
Салмон хайрия маблағларини яхши ҳис қилаётганини ва бу Академия таркибини янада кенгайтиришга ёрдам берашини таъкидлаган. Қилинган хайрия дастурий таъминотни яхшилаш учун сарфланишига ваъда берди.
Хон Академияси бутун дунё бўйлаб мақолалар, видеофильмлар ва викториналар шаклида бепул жаҳон даражасидаги таълимни тақдим этади. Бу ўқувчиларга кимё, математика, физика, биология, грамматика, молия, иқтисод ва бошқа кўплаб мавзуларда ёрдам беради.
Юқорида айтиб ўтилган манбалар барча тилга таржима қилинган. Хон Академиясида ҳар ой курсларда фаол қатнашувчилар 15 миллионни ташкил этади.
Ҳозирда Хон Академиясида 120 миллиондан ортиқ фойдаланувчи рўйхатдан ўтган бўлиб, уларнинг 30 миллиони ўз платформаларидан янги нарсаларни ўрганиш учун фойдаланадиган талабалардир.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
