1441 йил 24 жумадис сони | 2020 йил 18 февраль, сешанба
Минтақа:
ЎЗ UZ RU EN AR
Фиқҳ

Қафасдаги қуш

05:00 / 03.03.2017 1389 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳишом ибн Урвадан ривоят қилинади:

«Ибн Зубайр Маккадалигида Набий соллаллоҳу алайҳи васалламнинг саҳобалари қушларни қафасда кўтариб юришарди». 


Шарҳ: Демак, ушбу ривоятдан қафасда боқиладиган қушларни қафасга солиб юришнинг жоизлиги келиб чиқади. 

Чунки, бунга эътироз билдирмаган Абдуллоҳ ибн Зубайр улуғ саҳобалардан ҳисобланадилар. Ривоятда эса, бошқа саҳобалар ҳам зикр қилинмоқда. Буни кўрган одамлар ривоят қилишган, имом Бухорий эса, бу ҳадисларни ўз китобларига киритибдилар. 

Ана шу ривоятдан «қушни қафасга солиш жоиз» деган ҳукм чиқади. Кўпчилик бу нарсани кўп марталаб сўраб юради, ушбу ҳадисдан бу масаланинг жавоби аниқ экани маълум бўлади.


Анас ибн Моликдан ривоят қилинади:

«Набий соллаллоҳу алайҳи васаллам Абу Толҳанинг Абу Умайр деган ўғлини кўрдилар. Унинг нуғайр деган қушчаси бўлиб, у ўшани ўйнаб юрарди.
Бас, у зот:
«Эй, Абу Умайр! Нуғайрга нима бўлди?» – дедилар
». 

Шарҳ: Боланинг қушчани ўйнаб юргани, Расулуллоҳ соллаллоҳу алайҳи васалламнинг бунга эътироз билдирмай, унга ҳазил қилиб гапирганлари «қуш ўйнаса, бўлар экан» деган хулоса чиқаришга имкон беради.


Муаллиф
islom.uz
Мавзуга оид мақолалар
Қуръони Каримдаги биздан олдин бўлган нарсаларнинг ахборида иймонИслом йўли осон эмаслиги, у йўлга поёндоз тўшалиб, гуллар сочилиб қўйилмаганлиги, балки бу йўл давоми...

1427 05:00 / 17.01.2017
Абу Ҳанифа ва у кишининг мазҳаби Мусулмонлар оммасига Имоми Аъзам номи ила машҳур бўлган бу зот ҳақида кўплаб мақолалар ва китоблар ёзилган. Биз эса у кишининг давоми...

3129 17:20 / 11.10.2018
Фиқҳ ва фақиҳлар.Фиқҳ, сўзи луғатда дақиқ фаҳмни, яъни бир нарсани нозик жойларигача тушунишни англатади.Шариат истилоҳида эса .Шаръий далиллардан фаръий давоми...

4244 10:37 / 17.08.2018
Байрамлар ва турли тантаналар одобиБарча халқларда қадимдан ўтган улуғ кишиларни, машshyҳур кунларни, воқеаларни ёки бошқа муносабатларни эслаш, қадрлаш учун давоми...

1584 05:00 / 06.03.2017
Топ рейтинг www.uz Openstat