1442 йил 6 жумадис сони | 2021 йил 20 январь, чоршанба
Минтақа:
ЎЗ UZ RU EN
Янгиликлар

Кўзи ожиз муаззин Брайл алифбосида Қуръондан дарс беради

16:00 / 13 январь 350 pdf Ўқиш режими + -

Демиркент туманидаги «Куба» масжидининг муаззини Илёс Озкан, ўрта мактабда юқтирган «Бехчет» касаллиги сабаб 20 ёшида кўзи кўрмай қолди. 

Кўриш қобилияти бузилганига қарамай у Эрзинжан шаҳридаги «Имом Хатиб» номли ўрта мактабни тамомлади. Сўнгра Эрзурум вилоятидаги «Отатурк» университетининг илоҳиёт факультетида таҳсил олди.

У университетни тамомлаб, Эрзинжан вилоятидаги масжидлардан бирида иш бошлади ва 15 йилдан бери муаззин бўлиб фаолият кўрсатмоқда. Бугунги кунда Озкан кўпчилик мўмин мусулмонларга намуна бўлмоқда ва фидокорлиги билан қадрланмоқда.

Бундан ташқари у Брайл алифбосида Қуръондан дарс беради. Ҳаётининг кўп қисмини масжидда ўтказганини тушунтирган Илёс Озкан: «Баъзида масжидга акам билан, баъзида ёлғиз келаман. Бомдод намозига азон айтишдан аввал масжид дарвозаларини очаман. Суннат намозини ўқиб, масжид имоми бошчилигида фарз намозини жамоат ила адо этамиз » дейди.

Шунингдек, жамоатда Қуръон ўрганишни истаганларга ёрдам беришини айтиб: «Менинг асосий йўналишим бу — Қуръони Каримни Брайл алифбосида ўқитиш. Реабилитация марказларида ва масжидларимизда кўриш қобилияти чекланган кўплаб мўмин мусулмонлар Қуръони Каримни осон ўқишлари мумкин».

Ҳар хил тўсиқлар, баҳоналар Ислом ва Қуръони Каримни ўрганишга халақит бермаслигини таъкидлаб, муаззин Озкан сўзларини қуйидагича давом эттирди: «Фарзандларимизнинг маънавиятига эътиборсиз бўлмайлик. Бирор сабабга кўра, ногирон бўлиш ҳолати Қуръон ва Исломни ўрганишга баҳона бўла олмайди. Ҳар бир инсон дин ва Қуръони Каримни ўрганиши мумкин. Бу дунёдаги вақтимизни беҳуда сарфлаш ва бошқа муаммолар туфайли ўзингизга озор беришнинг фойдаси йўқ. Агар тўсиқлар бўлса, уларни енгиб ўтиш керак».

Эрзинжан вилоятидаги масжидга ташриф буюрган Сервет Тиряки Озканнинг ҳаёт ва таълимга бўлган муҳаббатига эътибор бериб: «Озкан ўз вазифасини қатъият билан давом эттираётган шахсдир. Биз ўз кўзларимизни ва Аллоҳ таолонинг барча неъматларини қадрлашимиз керак» дея таъкидлайди.

Хуршид Маъруф тайёрлади

Муаллиф
Хуршид Маъруф
Мавзуга оид мақолалар
Буюк Британияда Ислом динига кираётган аёллар сони кун сайин ошиб бормоқда. Уларнинг нима учун мусулмон бўлаётганлари борасида Кей Жардин бир тадқиқот ўтказди. давоми...

3820 10:13 / 23.10.2018
Японияда сўнгги йилларда мусулмон саёҳларни кўпроқ жалб этиш йўлида катта ишлар амалга оширилмоқда. Мусулмон сайёҳларнинг ортаётганидан мамнун бўлаётган давоми...

755 13:50 / 28.02.2019
Замонамизнинг диний олимларидан бири Шайх Муҳаммад Содиқ Муҳаммад Юсуф роҳимаҳуллоҳ Ислом дини таълимотларини шогирдлари ва мўъминмусулмонларга ўргатар экан, давоми...

1635 10:15 / 29.12.2019
Қуръони каримнинг ушбу қўлёзма нусхасини тайёрлаган мисрлик хаттот Саъд Муҳаммад китобни Гиннес рекордлар китобига киритмоқчи, деб ёзади Middle East Eye нашри. Мазкур давоми...

2248 12:20 / 10.01.2019
Аудиолар

51246 11:58 / 10.10.2018
«Ҳилол» журнали
Топ рейтинг www.uz Openstat