Ҳиндистонда «Занипур» номли мажмуа қурилади
Ҳиндистондаги Ёдиянинг Зенипур минтақасида қурилиши режалаштирилган «Бабри» масжидини алмаштириш бўйича таклиф қилинган режа эълон қилинди. Бу ҳақда Times of India нашри хабар берди.
Янги қуриладиган мажмуада масжиддан ташқари 200 ўринли шифохона, музей ва архив маркази, кутубхона ва ошхона бунёд этилади.
Ҳинд-исломий маданият маркази ушбу исломий мажмуанинг илк пойдевори 26 январь куни (Ҳиндистон Республикаси кунига тўғри келадиган) қўйилишини эълон қилди.
«Занипур» деб номланган ушбу масжид 1700 квадрат метр майдонни ташкил қилади. У «Бабри» масжидидан каттароқ ва унинг дизайни ҳам аввалги масжиддан фарқ қилади. Шунингдек, Ёдия масжиди 2000 кишининг ибодат қилиш имкониятига эга бўлади.
Мажмуа лойиҳасини тузган Деҳли Архитектура мактаби раҳбари С.М.Ахтар ушбу бинони ҳинду-исломий меъморчилик услубида қурилишини айтиб ўтди. Бундан кўзланган мақсад, Ёдиядаги турли жамоалар ўртасида алоқаларни кенгайтириш назарда тутилган.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
