1442 йил 10 Рамазон | 2021 йил 22 апрель, пайшанба
Минтақа:
ЎЗ UZ RU EN
Мақолалар

Ҳалолдан келган барака

08:00 / 22.12.2020 1987 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир дўстимга мева сотувчи бир воқеани айтиб берган экан. Ўша савдогар бир чақа ҳам зарар қилмай, яроқсиз меваларни сотар экан. У эскирган меваларни идиш тагига қўйиб яширар, устига эса янги меваларни қўйиб сотарди. Харидор келса, идиш устидаги янги меваларни кўриб, билмасдан тагидагиларни ҳам қўшиб олиб кетар экан. Савдогар эса ҳаммаси бир хил деб қасам ичар экан. Унинг бир шериги эса худди шу қинғир йўл билан помидор сотар экан. Бир куни бир харидор ўша кимсадан помидор олмоқчи бўлиб, мева сотувчига: «Бу помидорлар қанақа?» деб сўрабди. Сотувчи шеригини мақтаб, моли яхши, устидагиси билан тагидагиси бир хил дебди. Харидор келишилган пулни берибди-ю, идишни ағдариб юборибди. Помидорлар ерга тўкилиб, сотувчининг айби очилиб қолибди. Харидор уни шунақанги калтаклабдики, ўнг билан чапни ажрата олмай қолибди. Оғайнисининг алдагани ва яширганига яраша жазо олганини ўз кўзи билан кўрган мевафуруш ўйланиб қолибди. Бу иш бир харидорнинг калтаги эмас, балки одамларни алдаб, ҳаромдан пул топган кишига Аллоҳ томонидан берилган жазо эканини тушунибди. У шундай дебди: «Шу кундан бошлаб савдода Аллоҳдан қўрқишга ўзимга сўз бердим. Қўшнимнинг калтакланиши мен учун дарс бўлди, Аллоҳга қайтишимга сабаб бўлди. Энди айниган ва эскирган меваларни олиб ташлаб, фақат тозасини сотадиган бўлдим. Одамлар ҳам менга ишониб, кўпроқ мендан савдо қиладиган бўлишди. Шу ишимдан кейин ризқимга барака кира бошлагани сезилди. Олдинлари одамларни алдаб юрганимда топган пулим дўкон харажатларини ҳам қопламас эди. Ҳозир эса бир ойда минг, ҳатто икки минг риёлгача соф фойда қоляпти. Бошқа савдогарлар ҳам бунга амал қилармикан деб ўйлаб қоламан. Текширув келсагина тарозидан урмай, алдамай савдо қилиб, бошқа пайт билганини қилиш нотўғри экан. Чунки ҳаммасини Аллоҳ таоло кўриб-билиб туради. Ошкора нарсаларни ҳам, яширин нарсаларни ҳам билади».

«Солиҳлар гулшани» китобидан

 

Манба
islom.uz
Мавзуга оид мақолалар
Эндигина кўзи ёриган ёш она кучли ҳаяжондаndash Чақалоғимни кўрсам бўладими ndash деб сўради.Қучоғига юмшоқ бир юргак берилди ва бахтли она чақалоғининг жажжи юзини давоми...

4296 16:05 / 20.12.2019
Қуръон оятларида инсонни ўзига назар солишга ундаш ва қандай вужудга келганини тафаккур қилишга даъват бор .Инсон нимадан яралганига назар солсин. У давоми...

1622 13:35 / 01.07.2019
Ҳар қандай инсон ва жамият ҳаётидаги муаммоларнинг асоси бу диний ҳақиқатларни билмаслик ва уларга амал қилмасликдандир. Ўз динини билмаслик ва унга амал давоми...

1389 09:10 / 26.09.2019
.Бугунги кунда ўзларини турли хил жозибадор номлар билан атаб, одамларни тўғри йўлдан оғдириш билан шуғулланаётганлар ҳамда уларнинг найрангига давоми...

2233 11:35 / 05.07.2019
Аудиолар

57499 11:58 / 10.10.2018
«Ҳилол» журнали
Китоблар

1957 14:48 / 30 март
Топ рейтинг www.uz Openstat