Ибн Ақийл турли илмларни эгаллагани ва асарлари хилма-хил экани
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ибн Ақийлнинг турли илмларга тегишли йигирмага яқин таснифотлари бўлган. Таснифотларнинг энг улкани «Фунун» китобидир. Бу жуда катта китоб бўлиб, унда ваъз, тафсир, фиқҳ, усулул-фиқҳ, усулул-дин, наҳв, луғат, шеър, тарих, ва ҳикояларга оид жуда кўплаб қимматли маълумотлар жамланган.
Шунингдек, ўтказган мунозараларию мажлисларини ҳамда қалб кечинмаларию хулосаларини ҳам ушбу китобда қайд этган.
Саккиз юз жилдли «Фунун» китоби у зотнинг кўплаб китобларидан бири экани ҳақида Ҳофиз Заҳабий: «Дунёда бу китобдан кўра каттароқ китоб битилмаган, буни менга тўрт юзинчидан кейинги жилдларидан бирини кўрган киши гапириб берди», деган.
Ибн Ражаб ҳам: «Баъзилар уни саккиз юз жилд дейишган», деган сўзни келтирган.
Изоҳ: «Фунун» китобининг кичик бир бўлаги топилган ва Байрутда 1970-1971-йилларда «Дарул машриқ» томонидан икки жилдда чоп қилинган.
«Уламолар наздида вақтнинг қадри» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
