101-боб. Ўзи еган нарсадан қулига ҳам едириш ҳақида
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ جَابِرِ بْنِ عَبْدِ اللهِ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ يُوصِي بِالْمَمْلُوكِينَ خَيْرًا، وَيَقُولُ: «أَطْعِمُوهُمْ مِمَّا تَأْكُلُونَ، وَأَلْبِسُوهُمْ مِنْ لَبُوسِكُمْ، وَلَا تُعَذِّبُوا خَلْقَ اللهِ عَزَّ وَجَلَّ».
Жобир ибн Абдуллоҳдан ривоят қилинади:
«Набий соллаллоҳу алайҳи васаллам мамлуклар ҳақида уларга яхшилик қилишни тавсия қилиб: «Ўзингиз еган нарсадан уларга ҳам едиринг, ўзингиз кийган нарсадан уларга ҳам кийдиринг, Аллоҳ азза ва жалла яратган одамзодни азобламанг», дер эдилар».
Шарҳ: Ушбу ҳадиси шарифда қўл остидаги кишиларга қилинадиган уч муомала ҳақида сўз бормоқда:
1. Ўзингиз еган нарсадан уларга ҳам едиринг.
Мусулмон уммати қул ва чўрилар, ходим ва ходималарига ўзи еган нарсадан едириш билан бошқалардан ажралиб турган. Бу иш бошқа миллатларда кўрилмаган.
2. Ўзингиз кийган нарсадан уларга ҳам кийдиринг.
Мусулмон уммати қул ва чўрилар, ходим ва ходималарига ўзи кийган нарсадан кийдириш билан бошқалардан ажралиб турган. Бу иш бошқа миллатларда кўрилмаган.
3. Аллоҳ азза ва жалла яратган одамзодни азобламанг.
Мусулмон уммати қул ва чўрилар, ходим ва ходималарни азобламаслик билан ҳам бошқалардан ажралиб турган. Бу иш бошқа миллатларда кўрилмаган.
Одоблар хазинаси китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
