1447 йил 25 муҳаррам | 2025 йил 20 июль, якшанба
Минтақа:
ЎЗ UZ RU EN
Мақолалар

Битта илм билан чегараланиб қолма

08:00 / 22.11.2020 1635 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Саҳл ибн Муҳаммад Сижистоний айтади: «Бир куни ҳузуримизга султоннинг кўфалик бир ходими келди. У салом бериб кирди-да, «Басрада энг олим одам ким?» деб сўради. Мен шундай дедим: «Асмаийнинг илмини орамизда энг яхши билувчи Зиёдийдир. Мозаний эса наҳвни яхши эгаллаган, Ҳилол бизнинг энг фақиҳимиз, Шодкуний ичимизда ҳадис илмини энг яхши эгаллаган, мен эса Қуръон илмларига берилганман, Ибн Калбий ичимизда низомларни энг кучли ёзувчи».

Эртаси куни султон ўз котибига мен айтган олимларни буюрибди. Унинг ҳузурига кириб бордик. Султон биздан сўрай бошлади: «Мозаний қайси бирингиз?» Мозаний: «Мен», деди. «Зиҳор қилган одам ғилай қулни озод қилса бўладими?» деб сўради султон. «Мен фақиҳ эмасман, араб тили билан шуғулланаман», деди Мозаний. Султон унга ҳеч нарса демай, Зиёдийга юзланди: «Эй Зиёдий, эр ўз аёлига хулуъ (Аёлнинг эри берган маҳрни қайтариши эвазига талоқ сўраши) берса, маҳрининг учдан бирини берса бўладими?» Зиёдий: «Буни мен билмайман, бу Ҳилол Раъйнинг илми», деди. Султон энди Ҳилолга қаради: «Эй Ҳилол, Ибн Авннинг Ҳасандан нечта санади бор?» Ҳилол: «Буни билмайман, бу Шодкуний биладиган нарса», деди. Султон Шодкунийга «Огоҳ бўлингизки, улар (кофирлар сирларини) Ундан махфий тутиш учун кўкракларини (бошқа томонга) бурадилар». Мана шу қайси қироат?»  деди. Шодкуний «Буни мен билмайман, Абу Ҳотим билади», деди. Навбат менга келган эди. Султон «Мўминларнинг амирига қандай мактуб ёзасан? Басра аҳлининг хусусиятларини сифатлаб, меваларига етган талофат ҳақида ёзиб, уларга эътибор қаратишни сўрайсанми?» деб сўради. Мен: «Мен китобат илмини билмайман, Қуръон илмлари билан шуғулланаман», дедим. Султоннинг ҳафсаласи пир бўлиб, деди: «Эллик йилдан бери илм ўқиб, фақат биргина илмни ўрганибсизлар-да? Бошқа соҳадан савол берсанг, бир қадам ҳам юра олмайди. Бизнинг Кўфада энг олим одам Кисоий. Ундан ҳар қандай саволни сўрасанг, жавоб беради».

«Cолиҳлар гулшани» китобидан

 

Манба
islom.uz
Мавзуга оид мақолалар
Бир куни Шақиқ Балхий шогирди Ҳотам алАсомдан .Ҳузуримга келганингдан бери мендан нима ўргандинг, деб сўради. Ҳотам алАсом шундай деди .Олти нарсани давоми...

1142 08:00 / 24.10.2020
Собит алБуноний айтади .Кўркам бир йигит бор эди. Бир куни онаси унга .Ўғлим, бир кунинг қолган бўлса ҳам, қадрига етгин,, деб насиҳат қилди. Аллоҳ таолонинг амри давоми...

2426 08:00 / 06.02.2021
Молик ибн Динордан .Қандай тонг оттирдингиз, деб сўрашди. У .Умрим қисқариб, гуноҳларим зиёда бўлган ҳолда,, деб жавоб берди. Яна бир сафар худди шундай саволга давоми...

1413 08:00 / 23.08.2020
Ражо ибн Ийсо айтади .Амр ибн Жарир менга шундай деди .Тавба қилишимга нима сабаб бўлганини айтайми Бир куни Кўфа кўчаларидан бирида бораётиб, энди бир гуноҳ ишни давоми...

1630 08:00 / 19.06.2020