Эшитиш ва сўзлашишда нуқсони бор фуқаролар учун диний-маърифий суҳбатлар йўлга қўйилди
2020 йил 1 ноябрдан имконияти чекланган эшитиш ва сўзлашишда нуқсони бор фуқароларга диний-маърифий суҳбатлар йўлга қўйилди.
Тадбирга 90 га яқин имконияти чекланган фуқаролар, Ислом институти катта ўқитувчиси Абдул Азим домла Зиёуддин, Ўзбекистон мусулмонлари идораси мутахассиси Мунира Абубакирова, Тошкент шаҳар тарғибот гуруҳи бошлиғи Дилбар Аҳмедова иштирок этишди.
Ушбу маросимда Ислом институти катта ўқитувчиси Абдул Азим домла Зиёуддин «Мавлуди набий муборак!» мавзусида маъруза қилиб бердилар. Пайғамбаримиз соллаллоҳу алайҳи васалламнинг сийратларини ўрганиш, хорижий мутафаккирларнинг пайғамбаримиз алайҳиссалом тўғрисидаги фикрлари ташриф буюрувчиларда катта қизиқиш уйғотди.
Имконияти чекланганлар томонидан берилган Пайғамбаримиз соллаллоҳу алайҳи васалламнинг ҳаётлари, сийратлари, шунингдек Меърож кечаси ҳақидаги саволларга жавоб олишди.
Устоз Абдул Азим домла Зиёвуддин ўзларининг қаламларига мансуб «Қуръонда исмлари зикр қилинган Пайғамбарлар» плакатидан тадбирга келган барча қатнашчиларга ҳадя қилдилар.
Тадбир сўнгида Мавлид байрами сифатида барча қатнашчиларга ширинликлар тарқатилди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
