Набий алайҳиссаломнинг қайтариқлари (саккизинчи мақола)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Кийинишдаги қайтариқлар
Абу Умар Барро ибн Озиб розияллоҳу анҳудан ривоят қилинади: «Расулуллоҳ соллаллоҳу алайҳи васаллам етти нарсага буюриб, етти нарсадан қайтарганлар.
Қайтарганлари:
1) тилла узук тақмоқ.
2) кумуш идишда ичмоқ.
3) туя эгарларига кимхоб ёки ипакли мато тўшамоқ.
4) ипак ва каноп аралашмасидан либос киймоқ.
5) ипак газлама киймоқ.
6) қалин ипак киймоқ.
7) юпқа ипак киймоқ».
Имом Бухорий ва Муслим ривоятлари.
Барро ибн Озиб ривоят қиладилар:
«Расулуллоҳ соллаллоҳу алайҳи васаллам бизни (яъни эркакларни) етти нарсадан қайтарганлар:
1) кумуш идиш тутмоқдан.
2) тилла узук тақмоқдан.
3) ипакли кийим киймоқдан.
4) дебож (гулдор ипакли кийим) киймоқдан.
5) қасий (дағал матодан кийим) киймоқдан.
7) ривоятда тушириб қолдирилган.
Имом Бухорий ривоятлари.
Абу Ҳурайра ва Имрон ибн Ҳусайн розияллоҳу анҳулардан ривоят қилинади:
«Расулуллоҳ соллаллоҳу алайҳи васаллам эркакларни тилла узук тақишдан қайтардилар».
Имом Бухорий ва Термизий ривоятлари.
Ҳузайфа ибн Ямон розияллоҳу анҳудан ривоят қилинади:
«Расулуллоҳ соллаллоҳу алайҳи васаллам олтин ва кумуш идишда еб-ичмоқни, ҳарир (юпқа) дебож киймоқни ҳамда бундай матолар устида ўтирмоқни бизга ман қилдилар».
Имом Бухорий ривоятлари.
Барро ибн Озиб дейдилар: «Расулуллоҳ соллаллоҳу алайҳи васаллам қизил майсара ва қассий киймоғимиздан қайтардилар».
Имом Бухорий ривоятлари.
Абдулазиз Анас ибн Молик розияллоҳу анҳудан нақл қилиб дейдилар: «Расулуллоҳ соллаллоҳу алайҳи васаллам эркакларнинг заъфарон ишлатмоғини ман қилдилар».
Имом Бухорий ривоятлари.
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам кишининг яланг қават кийим кийиб юрмоғидан ҳамда унинг этагини елкасига ташлаб олмоғидан қайтардилар (чунки у шундай қилса, аврати кўриниб қолади).
Имом Бухорий ривоятлари.
Абу Саид ал-Худрий розияллоҳу анҳудан ривоят қилинади:
«Жаноб Расулуллоҳ соллаллоҳу алайҳи васаллам енги йўқ ва тор кийим киймоқни ва тиззани қучоқлаб, олдини очиб ўтирмоқни қаттиқ қораладилар». Имом Бухорий ривоятлари.
(Давоми бор)
Islom.uz архивидан
© islom.uz 2003-2020.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
