Миллий архив фондида ҳаж зиёратига оид қимматли ҳужжат ва Усмонлилар империясининг махсус аскарларига тегишли паспорти сақланмоқда
Ўзбекистон Республикасининг Миллий архиви фондида 1272-1856 йилдаги Усмонлилар империясининг махсус аскарларига тегишли паспорти ва 1572 йилда қайта таъмирланган Макканинг муқаддас жойлари чизмаси алоҳида қимматли ҳужжатлар қаторида сақланмоқда. Бу ҳақда Ўзбекистон Миллий ахборот агентлиги хабар берди.
«Ўзархив» агентлиги ахборот хизмати раҳбари Анваржон Алиев маълум қилишича, мазкур қўлланма Маккани зиёрат қилувчиларга кўрсатма ҳамда ҳаж сафарини тасдиқловчи ҳужжат сифатида берилган. Ҳаж сафарининг амаллари чизма шаклида кўрсатиб ўтилган.
Бундан ташқари ушбу фондда эски ўзбек, форс, араб тилидаги дунё аҳамиятидаги шарқ ҳужжатларининг бой узоқ тарихига мансуб коллекцияси тўпланган. Жумладан, 1272-1856 йилдаги Усмонлилар империясининг махсус аскарларига тегишли паспорти бўлиб, унда паспорт рақами, қайси санада берилгани, Туркия давлатининг муҳри, шахснинг асосий белгиларидан – ёши, бўйи, кўзи ва бошқа белгилари кўрсатилган. Ҳужжатда паспорт эгаси бошқа шаҳарларга ўтиш пайтида унга зарур ёрдам кўрсатилиши ҳақида махсус кўрсатма қайд этилган.
Манба: uza.uz
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
