1442 йил 25 Рамазон | 2021 йил 07 май, жума
Минтақа:
ЎЗ UZ RU EN
Сиз юборган

Набий алайҳиссаломнинг қайтариқлари (бешинчи мақола)

19:30 / 10.09.2020 863 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Фитратни ўзгартиришдан қайтариқлар

Абу Жуҳайфа розияллоҳу анҳудан ривоят қилинади:

«Расулуллоҳ соллаллоҳу алайҳи васаллам ит учун ва қон олганлик учун ҳақ олмоқдан, баданга игна билан аломатлар чиздириш ва чизишдан ҳамда судхўрликдан қайтардилар».

Имом Бухорий ривояти.

Абдуллоҳ ибн Динор ривоят қиладилар: «Абдуллоҳ ибн Умар айтадиларки, Расулуллоҳ соллаллоҳу алайҳи васаллам қазаъдан қайтарибдилар». (Қазаъ – ўғил боланинг сочини олаётганда пешона тепасидагина соч қолдириб, бошқа жойларини олиб ташлаш).

Имом Бухорий ривоятлари.

Асмо бинти Абу Бакр розияллоҳу анҳодан ривоят қилинади:

«Расулуллоҳ соллаллоҳу алайҳи васаллам улама соч тақиб қўювчи ва улама соч тақувчи аёлларни лаънатладилар».

Имом Бухорий ривояти.

Алқамадан розияллоҳу анҳудан ривоят қилинади: «Абдуллоҳ айтдики, Расулуллоҳ соллаллоҳу алайҳи васаллам ҳусн учун игна билан турли шакллар чизувчи, қош терувчи ва тишлар орасини кенгайтирувчи аёлларни, яъни Аллоҳ таоло яратган аъзоларни ўзгартирувчи аёлларни лаънатлаганлар».

Имом Бухорий ривояти.

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Кўз тегмоғи ҳақ нарсадир», дедилар ва игна билан аломатлар чизмоқдан қайтардилар».

Имом Бухорий ривояти.

Авн ибн Абу Жуҳайфа розияллоҳу анҳудан ривоят қилинади: «Убайни кўрдим, у менга: «Расулуллоҳ соллаллоҳу алайҳи васаллам (қортиқ солиб) қон олганлик учун ҳақ олмоқдан, ит сотмоқдан, судхўрлик ва порахўрлик қилмоқдан ҳамда бу ишларда воситачи бўлмоқдан, игна билан аломатлар чизмоқ ва чиздирмоқдан қайтардилар», деди».

Имом Бухорий ривояти.

Расулуллоҳ соллаллоҳу алайҳи васаллам соч ва соқолнинг оқларини юлиб ташлашни ман этдилар.

Имом Термизий, Насаий, Ибн Можа ривоятлари.

Расулуллоҳ соллаллоҳу алайҳи васаллам айтдилар:

«Соч уловчи ва сочини улатувчи ҳамда юзи ва тишларининг ранги ва шаклини ўзгартирувчи аёлларни Аллоҳ таоло лаънатласин!»

Имом Бухорий, Муслим, Аҳмад ривоятлари.

Абдуллоҳ ибн Аббос розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Мен умматимга ярага тамға қиздириб босмоқни ман қилгайман», деганлар».

Имом Бухорий ривоятлари.

(Давоми бор)

Тўртинчи мақола

Islom.uz архивидан

Мавзуга оид мақолалар
Сўзимнинг бошида барча дийндош биродарларимни, опасингилларимни кириб келган 1435 ҳижрий қамарий янги йил билан табриклайман. Унга қараб ибодатларимизнинг вақти давоми...

2188 19:43 / 22.04.2017
Саид ибн Мусайяб р.а. бир кишининг тонг отгандан сўнг икки ракатдан ортиқ намоз ўқигани ва унда узоқ рукуъ ва сажда қилганини кўриб, уни қайтарди. Чунки у киши тонг давоми...

1918 15:34 / 22.04.2017
Ҳазрати Умар розияллоҳу анҳунинг насиҳатлари Умар ибн Хаттоб розияллоҳу анҳу Абу Мусо Ашъарий розияллоҳу анҳуга мактуб ёздилар Аммо баъд Албатта, инсонларнинг давоми...

1771 21:43 / 21.04.2017
Худди туз сингари кейинги пайтларда эъзози ўрнига қўйилмаётган, лекин айниган нарсаларни туз каби ислоҳ қиладиган тоифа mdash олимлар хусусида ҳам икки оғиз сўз. давоми...

1528 10:27 / 27.03.2017
Топ рейтинг www.uz Openstat