1444 йил 14 муҳаррам | 2022 йил 11 август, пайшанба
Минтақа:
ЎЗ UZ RU EN
Мақолалар

Қўрқувга ҳақиқий сабаб

11:06 / 04.09.2020 1961 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Эй биродар, шундай ҳадис борки, у тўрт калимадан иборат. Бу ҳадис ҳар бир мўмин мусулмонга дастуриламал бўлиши керак.

Банда фақатгина гуноҳидан қўрқсин! Дунёда кучлилар, золимлар бор. Ёмон касалликлар бор. Бузғунчилар бор. Мусибатларнинг сон – саноғи йўқ. Зараркунандалар беҳисоб. Ҳотиржамликни бузадиган ҳолатлар жуда кўп.

Расулуллоҳ соллаллоҳу алайҳи васаллам биз умматларга насиҳат қилиб айтадиларки: «Буларнинг бирортасидан қўрқма! Буларнинг бари Аллоҳнинг қўлида. Фақатгина гуноҳингдан қўрқ».

Бу ёмонликларни сенга олиб келадиган нарса — гуноҳларингдир!

Банда фақатгина гуноҳидан қўрқсин! Дунёда кучлилар, тажовузкорлар бор. Золимлар, шавқатсизлар бор. Йиртқич ҳайвонлар бор. Бир чақиши ўлдирадиган ҳашаротлар бор.

Ёмонликнинг турлари жуда кўп. Зараркунандалар беҳисоб. Фақатгина гуноҳингдан қўрқ! Бир муаммога дуч келсанг, фақат Роббингдан нажот иста! Аллоҳга қасам ичиб айтаманки, бу саноқли калималар мўминнинг дастуриамали бўлиши керак. Бу ҳадисни хонангдаги кўринадиган жойга илиб қўй!

Банда фақатгина гуноҳидан қўрқсин! Бунда фақатгина Роббисидан нажот истасин! Бу ҳикматни, бу гапни, бу ҳадисни ҳаётинга татбиқ қилгин! Шу билан бахтли бўлгин! Ҳеч нарсадан қўрқма! Гуноҳ қилиб қўйишдан қўрқ! Чунки шу гуноҳ сенга ёмонликларни олиб келади. Тўғри, сен ваҳший, шавқатсиз, йиртқич ҳайвонлар олдида турибсан. Лекин у меҳрибон, ҳаким, одил Зотнинг жилови билан боғланган. Сени муомаланг ҳайвонлар билан эмас. Балки сен бу ҳайвонларнинг Молики билан муомала қиласан. Агар Моликни рози қилсанг, У ҳайвонларни сендан узоқлаштиради.

Агар бандалари ҳаққида хато қилсанг, шуларнинг бирига сенга зарар беришига имкон бериб қўяди. Йиртқичлар... Золимлар... Аллоҳнинг қамчисидир. Қамчи еган одам — қамчидан хафа бўладими, ёки унинг эгасиданми? Агар қамчидан хафа бўлса, демак у аҳмоқ! Бу зараркунандалар фақатгина Аллоҳнинг изни билан ҳаракатланади. Муҳими, Роббинг билан муомалангни гўзал қилгин!

Сенга мусибат олиб келадиган нарса — бу гуноҳларинг.

Банда фақатгина гуноҳидан қўрқсин! Банда фақатгина Роббисидан нажот истасин! Қийинчилик пайтида фақат Ягона Аллоҳга боғлан!

Эй, Роббим ўзинг шифо берасан! Сен нусрат берувчисан! Сен ризқ берасан! Сен азиз қиласан! Фақат сен!

Мусибат келишидан олдин гуноҳларингдан қўрқ! 

Банда фақатгина гуноҳидан қўрқсин! Банда фақатгина Роббисидан нажот истасин!

Шайх Муҳаммад Ротиб Нобулсий

Мавзуга оид мақолалар
Аллоҳ таоло ҳар кимнинг тақдирини ҳар хил яратган. Кимдир отаона қарамоғида улғайса, яна кимдир оила бошлиқларисиз вояга етади. Бундай ҳолда асло ўксимаслик давоми...

994 11:32 / 07.12.2021
Аллоҳ таоло Қуръони Каримда .Бу шундай китобки, Биз уни сенга оятларини тадаббур қилсинлар ва ақл эгалари эслатма олсинлар учун нозил қилганмиз, дейди. Сод сураси, давоми...

5912 19:30 / 07.09.2019
Ассалому алайкумБир дўстимнинг илтимоси ила оққа кўчирмоқдаман. Эрхотин ўртасида пайдо бўлган низода аёлининг юзига уриш мумкинми Уриш мумкин бўлса, қай давоми...

11093 17:45 / 12.02.2019
Абу Алийя айтади .Бир куни Умар ибн Абдулазиз одамлар билан ўтирган эди. Кун ярим бўлиб, қиздира бошлагач, одамларга .Мен қайтиб келгунимча шу ерда туринглар, деб, давоми...

1580 07:02 / 03.01.2019
Аудиолар

86191 11:58 / 10.10.2018
«Ҳилол» журнали
Китоблар

15414 14:35 / 11.08.2021
Топ рейтинг www.uz Openstat