1442 йил 11 Рамазон | 2021 йил 23 апрель, жума
Минтақа:
ЎЗ UZ RU EN
Сиз юборган

Набий алайҳиссаломнинг қайтариқлари (учинчи мақола)

13:21 / 30.08.2020 875 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ибодатга доир қайтариқлар

Абдуллоҳ ибн Умар розияллоҳу анҳудан ривоят қилинади.

«Расулуллоҳ соллаллоҳу алайҳи васаллам етти жойда: «Ахлат ташланган ерда, ҳайвон сўйиладиган жойда, қабристонда, йўл ўртасида, ҳаммомда, туя ётган ерда ва Каъба томи устида намоз ўқишдан қайтардилар».

Имом Термизий ривоятлари.

Амр ибн Шуайб отасидан, у эса бобосидан ривоят қиладилар.

«Жаноб Расулуллоҳ соллаллоҳу алайҳи васаллам масжидда шеър айтиш ва савдо-сотиқ қилишдан қайтардилар».

Имом Термизий ривоятлари.

Ҳазрати Оиша розияллоҳу анҳодан ривоят қилинади:

«Расулуллоҳ саҳобаларга раҳм қилиб, рўзани бир-бирига боғлашдан (яъни икки рўзанинг ўртасида ифторлик қилмасликдан) ман этганлар».

Имом Бухорий ва Муслим ривоятлари.

Муоз розияллоҳу анҳудан ривоят қилинади:

«Расулуллоҳ соллаллоҳу алайҳи васаллам ҳажда неъматларни кўз-кўз қилиш ва маишатпарастликдан қайтарганлар».

Имом Аҳмад ривоятлари.

Абдуллоҳ ибн Умар розияллоҳу анҳудан ривоят қилинади:

Расулуллоҳ соллаллоҳу алайҳи васаллам ҳаж ва умра учун эҳром боғлаган кишини кўйлак ҳам, салла ҳам, чолвор ҳам, бурнус ҳам, маҳси ҳам киймоқдан қайтардилар (Кавуш топмаган киши маҳси қўнжини тўпиғидан паст қилиб кесиб ташлаб кийса бўлади).

Имом Бухорий ривоятлари.

Абдуллоҳ ибн Умар розияллоҳу анҳудан ривоят қилинади:

«Расулуллоҳ соллаллоҳу алайҳи васаллам эҳром боғлаган одамнинг варс ёки заъфарон билан бўялган кийим киймоғини ман қилдилар».

Имом Бухорий ривоятлари.

Абдуллоҳ ибн Аббос розияллоҳу анҳудан ривоят қилинади:

«Расулуллоҳ соллаллоҳу алайҳи васаллам Каъбани тавоф қилаётиб бир одамнинг иккинчи бир одамни тасма билан етаклаб кетаётганини кўриб қолдилар-да, тасмани ўз қўллари билан қирқиб ташладилар».

Имом Бухорий ривоятлари.

Расулуллоҳ соллаллоҳу алайҳи васаллам: «Кимки ёлғон сўзлаш одатини ташламаса ва Аллоҳ қайтарган нарсалардан қайтмаса, рўза тутгани билан рўзаси қабул бўлмайди, Аллоҳ унга раҳмат назарини ташламайди», дедилар.

Имом Бухорий ривоятлари.

Расулуллоҳ соллаллоҳу алайҳи васаллам кишиларга раҳм-шафқат қилиб, уларнинг саломатликларини ўйлаб, узлуксиз рўза тутмоқдан қайтарганлар ва «динда буюрилмаган нарсаларни қиламан, деб ўзини қийнамоқлик дуруст эмас», деганлар.

Имом Бухорий ривоятлари.

(Давоми бор)

Иккинчи мақола

Islom.uz архивидан

Манба
islom.uz
Мавзуга оид мақолалар
Ҳикоя қилинишича бир киши донишмандлардан бирининг ҳузурига келиб, дўстидан шикоят қилибди ва у билан дўстлик алоқаларини узишни ҳамда ундан ўч олиш ниятида давоми...

2464 15:20 / 22.04.2017
Маълумки, Ислом дини инсониятни гўзал хулқу одобга чорлаш, уларни инсоний фазилатлар эгаси қилиб тарбиялаш учун нозил қилинган бўлиб, унинг таълимоти инсоният давоми...

3534 10:31 / 24.03.2017
1 Охиратни мақсад қилиб, барча диққатэътиборни бир ташвиш охират ташвишига қаратиш. Бу ҳақда Аллоҳ таоло Кимки охиратни истаса ва мўминлик ҳолида ўз саъйи давоми...

1814 15:06 / 22.04.2017
Савоб ишларни умумий қилиб яхшиликrdquoлар десак тўғри бўлади. Бу мавзуга тўлик киришишдан олдин савоб ишлар ёхҳуд яхшиликларrdquo деб нималарга айтилади Ёки давоми...

2228 20:27 / 21.04.2017
Аудиолар

57551 11:58 / 10.10.2018
«Ҳилол» журнали
Китоблар

2004 14:48 / 30 март
Топ рейтинг www.uz Openstat