1442 йил 7 шаввол | 2021 йил 19 май, чоршанба
Минтақа:
ЎЗ UZ RU EN
Уйда қолинг

Таҳорат коронавирусдан ҳимояланишга сабаб бўлади

11:00 / 27.08.2020 1486 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кўплаб илмий тадқиқотлар ўз хулосасида киши шахсий гигиена қоидаларига, умумий шахсий тозаликка қатъий амал қилиши лозимлигини таъкидлайди. Инсоннинг қўлида юзлаб турдаги зарарли бактериялар мавжуд бўлса, терисида миллиардлаб бактериялар бор. Шунинг учун ҳам шифокорлар одамларга қўлларини бир-икки дақиқа давомида ювиб туришни тавсия қилишади. Киши мана шундай қилса қўлларидаги зарарли бактерияларнинг 99 фоизидан ҳам кўпроғидан қутулишини айтадилар. Одатда инсон қўли билан турли нарсаларни ушлайди. Зарарли, кўплаб касалликлар келиб чиқишига сабаб бўладиган бактериялар ана шу ушлаш натижасида қўлга илашади. Қўлларни тез-тез ювиб туриш эса улардан халос бўлишга сабаб бўлади.

Динимизда намоз ўқишдан олдин таҳорат олишга буюрилган. Бир кунда беш марта қўлларини ювадиган инсоннинг қўлларида бактериялар қолмайди. Қуръони Каримда қўлларни ювишга буюрилган. Аллоҳ таоло шундай деб марҳамат қилган: «Эй, иймон келтирганлар! Намозга турмоқчи бўлсаларингиз, юзларингизни ва қўлларингизни чиғаноқлари ила ювинглар. Бошларингизга масҳ тортинглар. Ва оёқларингизни тўпиқлари ила ювинглар» (Моида сураси, 6-оят).

Оятда бошга масҳ тортишга ҳам амр бўлмоқда. Бошга масҳ тортиш орқали ҳам ана шундай бактериялардан халос бўлинади. Пайғамбаримиз соллаллоҳу алайҳи васаллам таҳорат асносида оғиз ва бурунни ювишни ҳам таъкидлаганлар.

Абу Ҳурайра розияллоҳу анҳудан ривоят қилинади: 

«Набий соллаллоҳу алайҳи васаллам айтадилар: «Агар бирортангиз таҳорат олса, бурнини сув билан ювсин ва қоқиб ташласин»

Имом Муслим ривоятлари.

Лақийт ибн Сабура розияллоҳу анҳу айтадилар: 

«Набий соллаллоҳу алайҳи васаллам: «Агар таҳорат қилсанг, оғизни чайгин» деганлар. 

Имом Абу Довуд ривоятлари.

Тозалик борасидаги тадқиқотларда шундай дейилади: «Тана аъзоларини Ислом динида кўрсатилган таҳорат кўринишида ювадиганлар оғиз ва бурунларидаги зарарли бактериялардан ҳам тўлиқ қутуладилар».

Бугунги кунда кенг тарқалган коронавирус ҳам кўзга кўринмас, майда вирусдир. Мутахассислар кишилар қўлларини тез-тез ювиб туришга ундамоқдалар. Агар таҳоратни шариатимизда кўрсатилганидек чиройли қилиб оладиган бўлсак, Аллоҳ таолонинг фазли билан турли касалликларга сабаб бўладиган зарарли бактерия ва вируслардан халос бўламиз.

Динимиздаги ҳар бир ибодатнинг кўплаб фойдалари, ҳикматлари бор. Агар биз таҳоратни ибодатга тайёргарлик нияти билан қиладиган бўлсак, ҳам савобга эришамиз, ҳам вируслардан халос бўламиз.

Аллоҳ таоло барчамизни турли касалликлардан, жумладан, коронавирус балосидан асрасин! Ушбу вирусни юртимиздан, халқимиз бошидан тезроқ кўтарсин!

Абдуддоим Каҳел суҳбати ва интернет маълумотлари асосида Нозимжон Ҳошимжон тайёрлади.

Манба
islom.uz
Мавзуга оид мақолалар
Бир ҳаким зотдан Саодат нимаrdquo деб сўралганда Дунёдаги офият ва охиратдаги афвrdquo, деб жавоб берган эканлар. Дарҳақиқат, офият, саломатлик қанчалар улуғ саодат, давоми...

1831 11:00 / 26.06.2020
Пандемиянинг тугаши вакцинага боғлиқ бўлса, вакцина қачон тайёр бўлади Вакцина яратиш бўйича ҳозиргача бирор натижа бўлдимиБир нарса аниқ дунё бўйлаб, хусусан, давоми...

2629 17:04 / 18.07.2020
Тўғрисини тан олиш керакки, тўрт ой оз фурсат эмас, карантин чекловларию, касалликлар ҳақидаги ҳар кунлик маълумотлар ўз таъсирини ўтказмоқда. Баъзи кишилар давоми...

1953 11:01 / 19.07.2020
Шуни ёдда тутингки, атрофингиз ёки маҳаллангизда бирор мухтож оч ҳолида ухламасин . Коронавирус ўта хатарли бир беморликдир. Соғлиқни сақлаш мутахассислари ва давоми...

2739 20:33 / 27.03.2020
Аудиолар

59787 11:58 / 10.10.2018
«Ҳилол» журнали
Китоблар

4098 14:48 / 30 март
Топ рейтинг www.uz Openstat