Нур тоғида маданий марказ қурилади
Макка шаҳар мери, Жабал ал-Нур (Нур тоғлари) этагида, тарихий Хиро ғори жойлашган тоғда маданий марказ барпо этишни режалаштирмоқда. Бу ҳақда Saudi Gazette сайти хабар берди.
Шаҳар ҳокими Муҳаммад ал-Қувайхаснинг айтишича, аввал тоғ ва унинг атрофлари тозаланади. Ал-Арабия шаҳар ҳокимидан иқтибос келтирган хабарда марказ муқаддас Макка шаҳри ва Хиро ғори ҳақида ҳужжатлаштирилган ишончли маълумотларни беради, дея таъкидлаган.
Поғоналар ғор жойлашган тоғнинг тепасидан кўтарилишни осонлаштириш учун қурилади. Ташриф буюрувчиларнинг хавфсизлигини таъминлаш ва тоғни Ислом тарихида муҳим аҳамиятга эга табиий жой сифатида сақлаб қолиш учун барча зарур чоралар кўрилади.
Жабал ал-Нур Каъбадан 4 км узоқликда жойлашган. Унинг баландлиги 640 метрга етади. Баланд чўққига чиқиш икки соатни ўз ичига олади. Хиро ғори шимолий-шарқий ёнбағрида жойлашган.
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
