Бухорийни кутяпман
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Муҳаммад ибн Муҳаммад ибн Маккий Журжоний айтади: «Абдулвоҳид ибн Одам Тавовисийнинг шундай деганини эшитдим: «Набий соллаллоҳу алайҳи васалламни тушимда кўрдим. Ёнларида саҳобалардан бир жамоа ҳам бор эди. У зот соллаллоҳу алайҳи васаллам бир жойда турган эканлар. Мен у зотга салом бердим. У зот саломимга алик олдилар. «Эй Аллоҳнинг Расули, нима учун бу ерда турибсиз?» дедим. У зот алайҳиссалом: «Муҳаммад ибн Исмоил Бухорийни кутяпман», дедилар. Бир неча кундан сўнг имом Бухорийнинг вафот этгани ҳақида хабар келди. Кейин билсам, у зот айни мен Набий соллаллоҳу алайҳи васалламни (тушда) кўрган пайтда вафот этган эканлар».
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
