Рўйхатни беркитиш
Дарслар рўйхати
1444 йил 14 муҳаррам | 2022 йил 11 август, пайшанба
Минтақа:
ЎЗ UZ RU EN
Фиқҳ

Фиқҳ дарслари (91-дарс). Таҳоратнинг суннатлари

15:13 / 25.06.2020 2456 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

(иккинчи мақола)

Толҳа ибн Мусаррифдан, у отасидан, у бобосидан ривоят қилинади:

«Расулуллоҳ соллаллоҳу алайҳи васаллам таҳорат қилдилар. Оғизларини ва бурунларини уч мартадан чайдилар. Ҳар сафар янги сув олдилар».

Табароний ва Абу Довуд ривоят қилишган.

5. Соқолни ва бармоқларни тахлил қилмоқ.

Тахлил қилиш бармоқларни бир-бирига ёки соқолнинг орасига киритиш билан бўлади.

Анас розияллоҳу анҳудан ривоят қилинади:

«Набий соллаллоҳу алайҳи васаллам қачон таҳорат қилсалар, кафтларига сув олиб, жағлари остига киритар ва у билан соқолларининг орасига сув етказар ва: «Роббим мени шундай қилишга амр қилган», дер эдилар».

Абу Довуд ва Термизий ривоят қилишган.

Термизийнинг ривоятида:

«Қачон таҳорат қилсанг, икки оёғинг ва икки қўлинг панжалари орасига бармоқларингни киргизиб сув етказ», дер эдилар», деб келган.

6. Ювишни уч мартадан қилмоқ.

Бу ҳукм Расулуллоҳ алайҳиссаломдан ривоят қилинган қуйидаги ҳадисдан олинган:

«Бир аъробий Набий соллаллоҳу алайҳи васалламнинг ҳузурларига таҳорат ҳақида сўраб келди. Бас, унга уч марта-уч мартадан кўрсатдилар. Сўнгра:

«Таҳорат мана шундоқ, ким бундан зиёда қилса, батаҳқиқ, ёмон қилибди, ҳаддан ошибди ва зулм қилибди», дедилар».

Насоий, Аҳмад ва Абу Довуд ривоят қилишган.

Яъни «Таҳорат мана шу, мен кўрсатгандек. Бундан зиёдаси мумкин эмас. Ким зиёда этиб, уч мартадан ошириб юборса, ёмон иш қилган, шариатнинг чегарасидан чиққан ва ўзига зулм қилган бўлади», дедилар. Яъни учтадан ошириб ёки камайтириб, суннат шундай, дея эътиқод қилса, ўзига зулм қилган бўлади. Аммо қалбидаги шакни кетказиш учун учтадан зиёда қилса ёки ҳожат туфайли ундан камайтирса, зарари йўқ.

Шундан таҳоратда аъзоларни уч мартадан ортиқ ювмаслик кераклиги кўринади.

7-8. Бошнинг ҳаммасига бир марта ва икки қулоғига у(бош)нинг суви ила масҳ тортмоқ.

Ибн Аббос розияллоҳу анҳумодан ривоят қилинади:

«Набий соллаллоҳу алайҳи васаллам бошларига ва икки қулоқлари ортига ва ичига масҳ тортдилар».

Термизий ва Абу Довуд ривоят қилишган.

Бу ҳадисда эса бошга масҳ тортиш вақтида икки қулоққа ҳам масҳ тортилиши Пайғамбаримиз соллаллоҳу алайҳи васаллам томонларидан собит бўлгани айтилмоқда. Унда икки кўрсаткич бармоқни қулоқларнинг ичига тиқиб туриб, улар билан қулоқнинг ички томони, икки бош бармоқ билан эса устки томони масҳ қилинади.

Фуқаҳолар ўз китобларида бу ишни айнан ушбу ҳадисга суяниб васф этишган. Фақат улар кўпчиликка осон бўлиши учун ҳадисни тўлиқ айтмасдан, қилиниши лозим бўлган ишни айтиб қўя қолганлар.

9. Ният қилмоқ.

Таҳорат қилишдан олдин уни ният қилиш ҳам суннатдир.

Умар ибн Хаттоб розияллоҳу анҳудан ривоят қилинади:

«Расулуллоҳ соллаллоҳу алайҳи васалламнинг шундай деганларини эшитдим:

«Албатта, амаллар ниятларга боғлиқдир...»

Икки шайх ривоят қилишган.

(Давоми бор)

«Кифоя» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Фарзнинг икки ракъатининг ҳар бирида ҳамда витр ва нафлнинг ҳар бир ракъатида бир оят қироат қилиш mdash ушбу жумлада келган маъно қироатнинг энг оз миқдорини давоми...

1299 19:00 / 25.11.2021
Шайх Муҳаммад Али Собуний ҳукм оятларини тафсир қилишда ўн нарсага алоҳида эътибор берган.1. Зарур бўлганда керакли лафзларни таҳлил қилган ҳамда тафсирчи ва давоми...

2367 13:50 / 29.08.2019
.Ҳисоб, сўзи луғатда .санаш, маъносини англатади.Уламолар истилоҳида ҳисоб деб мажҳул ададларни чиқаришга олиб борадиган илмга айтилади. Худди шу илм меросда ҳам давоми...

872 11:02 / 06.04.2020
Нажас икки турга бўлинади1. Ҳақиқий нажосат. Луғатда қон, пешоб каби айни ифлос нарсадир. Шариатда намозни ман қиладиган ифлослик ҳақиқий нажосатдир.2. Ҳукмий давоми...

1942 14:00 / 18.03.2021
Топ рейтинг www.uz Openstat