89-боб. Ёмон гумондан қўрқиб, ходимига санаб бериш
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Салмондан ривоят қилинади:
«Гумондан хавфсираб, ходимимга суякни ҳам санаб бераман».
Салмондан ривоят қилинади:
«Гумондан қўрқиб, суякни санаб бераман».
Шарҳ: Ушбу икки ривоятда ҳам Салмон Форсий розияллоҳу анҳунинг «Гумондан қўрқиб, ходимимга суякни санаб бераман» деган маънодаги гаплари ривоят қилинмоқда. Фақат уларнинг ровийларигина фарқ қилади.
Бу ерда ҳам ходимининг феъл-атворини, одобини текшириб туриш, ёмон гумон бўлмаслигини назорат қилиш ҳар бир кишининг бурчи эканини кўрамиз.
Шу билан бирга, бу ишда «Ўзингга эҳтиёт бўл, қўшнингни ўғри тутма» қоидасига амал қилиш ҳам бор. Катта-кичик нарсаларни ходимга санаб бериб, санаб олиб турилса, кўнгил тўқ бўлади ва бирор камчилик содир бўлишининг олди олинади.
«Одоблар хазинаси» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
