1442 йил 25 Рамазон | 2021 йил 07 май, жума
Минтақа:
ЎЗ UZ RU EN
Нуқтаи назар

Диннинг азамати

11:00 / 13.06.2020 3129 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Франциялик Шарль Эжен де Фуко католик черкови роҳиби бўлган. У умрининг бир қисмини саҳрои кабирда яшайдиган мусулмон қабилалар орасида ўтказган. 11 йил мусулмонларни насронийлик динига тарғиб қилган. Бироқ бирор-бир бадавийни динидан қайтаришга эришмаган. Ҳатто унга катта маош эвазига хизмат қиладиган кампир ҳам унга шундай деган эди:

«Сен яхши, очиқ юзли инсонсан. Аммо кофир ҳолингда ўлиб кетишинг ачинарлидир!»

Мисрдаги қишлоқлардан бирига миссонерлар келишади. У ердаги аҳолини насронийликка қизиқтириш учун мактаб ва диспансер қуришади. Диспансернинг очилиш маросимига жуда кўп одам жамланади. Йиғилганлар баланд овозда шовқин-сурон қилишади. Уларни пастор жим қила олмайди. Шунда ерлик оқсоқол пастордан рухсат олиб одамларга бақирди: «Расулуллоҳ соллаллоҳу алайҳи васалламга саловот айтинглар»!

Кишилар бир овозда Расулуллоҳ соллаллоҳу алайҳи васалламга саловот айтиб жим бўлишди. Тинчлик ҳукм сурди.

Бу уммат танасига Расулуллоҳ соллаллоҳу алайҳи васаллам иймон ва муҳаббат уруғини ташлаганлар. У уруғ умматнинг қалби тўрида ўсади. У бутун танага шохларини ёяди. Биздаги инсонлар бир хатни тўғри ёза олмаслиги, бир жумлани тўғри туза олмаслиги, оламда бўлаётган ишларга ақли етмаслиги мумкин, аммо Расулуллоҳ соллаллоҳу алайҳи васаллам уларнинг олдида зикр қилинганларида улар муҳаббат файласуфига айланишади, у зотга эргашишда аллома бўлиб кетишади.

Бир кампирни кўрасан, у фиқҳдан таҳорат ва намоздан ўзга нарсани билмайди. Асога таяниб зўрға юради. Аммо унга Расулуллоҳ соллаллоҳу алайҳи васаллам ҳақларида гапирсанг, гўё руҳ пуфлагандек бўласан унинг руҳига.

Islom.uz портали таҳририяти

Муаллиф
Шарль Эжен де Фуко
Мавзуга оид мақолалар
Эдуардо Галеано, сиёсат ва адабиёт арбоби, Уругвай.Биз тубан бир даврда яшамоқдамиз.Муҳаббатдан кўра тўй тантаналари аҳамиятга эга. Маййитдан кўра дафн маросими давоми...

2265 12:30 / 16.05.2019
Пастор.Иймон ҳеч қандай тараққиётга тўсқинлик қилмайди, чунки ҳар бир тараққиёт худонинг яратган нарсаларидаги ажойиботларни очиб беради. Агар мен бугун давоми...

2643 15:09 / 14.12.2018
Фредерик Умар Кануте 2007 йили Испаниянинг Севилья шаҳридаги бир масжид бузилишини билиб қолгач, масжид ерини ўз ҳисобидаги маблағидан сотиб олди. Ушбу футбол давоми...

2746 17:23 / 21.03.2020
Муҳаммад Масиҳдан беш юз етмиш йил кейин зоҳир бўлди. Унинг вазифаси аввалги усулларни сингдириб, ягона илоҳга ва бу ҳаётдан сўнг яна ҳаёт борлигига башариятни давоми...

1109 15:40 / 06.03.2020
Топ рейтинг www.uz Openstat