«У талбия айтган ҳолда тирилади»
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳофиз Ибн Носир Димашқий айтади: «Барзолий 738 ҳижрий сана, зулҳижжа ойининг учинчи куни, ҳажда эҳром боғлаган ҳолда вафот этдилар. Баъзи уламолар у зот ҳақида шундай деганлар: «Барзолий ҳадис ўқиётиб, Ибн Аббос розияллоҳу анҳунинг қуйидаги ҳадисларини ўқиб қолсалар, кўнгиллари бўшаб, ўзларини тута олмай, йиғлаб юборар эдилар: «Бир саҳобий эҳром боғлаган ҳолида туясининг устидан йиқилиб вафот этди. Расулуллоҳ соллаллоҳу алайҳи васаллам ўша саҳобий ҳақида: «У қиёмат куни «Лаббайка» айтган ҳолда тирилади», дедилар». Мана шу ҳадисга бўлган муҳаббати туфайли Барзолий ҳам эҳром боғлаган ҳолда вафот этдилар».
«Солиҳлар гулшани» китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
