1442 йил 11 рабиъул аввал | 2020 йил 28 октябрь, чоршанба
Минтақа:
ЎЗ UZ RU EN
Янгиликлар

Эҳсоннинг мукофоти фақат эҳсондир. Учинчи ёрдам карвони Сирдарёликларга етказилди

03:16 / 07 май 459 pdf Ўқиш режими + -

Бисмиллаҳир Роҳманир Роҳийм!  Аллоҳ таолога ҳамду санолар, Расулуллоҳга дуруду салавотлар бўлсин!

Маълумингизким,  2 май куни тонгдан Шайх Муҳаммад Содиқ Муҳаммад Юсуф мажмуаси, «Ҳилол-нашр» матбаа-нашриёти, islom.uz портали, muslimaat.uz сайти, «Гранд таълим» НТМ @grandtalim ташаббуси билан офатдан зарар кўрган сирдарёлик юртдошларимиз учун хайрия штаби ташкил этилди.


Бугун 6 май куни, 3- кўмак автокарвони хайрия штаби ташкилотчилари гуруҳи  билан бағрикенг, саховатпеша ва ҳамдард халқимиз томонидан хайрия қилинган маҳсулотларни ортиб Сирдарё вилоятига йўл олди.

Эвакуация қилинган 324 та оила вақтинчалик истиқомат қилаётган Сирдарёдаги  Сайҳунобод туманига ва Пахтакор ҚФЙ, Ўзбекистон маҳалласига борилди.


Уйларига қўйган юртдошларимизга раҳмат айтиш керак, ҳеч иккиланишсиз кўплаб оилаларга жой беришган. Вакилларимиз маҳалла фаоллари билан ўша хонадонларга бориб,  эҳтиёжга кўра кўрпа-тўшак, кийим- кечак ва озиқ –овқат маҳсулотларини улашиб чиқишди.


Айнан ушбу кунларда  хонадонлардан бирида янги чақалоқ дунёга келган экан.  Вакилларимиз жажжи меҳмон билан оила аъзоларини табриклаб, олиб борилган маҳсулотлардан берилди, соғ-саломат вояга етишини тилаб дуо қилинди.


Кеча 5 май куни ҳам Андижон шаҳридан саховатпеша юртдошларимиз томонидан юборилган кўмак ашёлари юкланган автотранспорт Гулистон шаҳрига, Сирдарё вилояти диний идорасининг вакиллиги ходимлари масъуллигида  эҳтиёжманд оилаларга етказилган.


Сардобада зарар кўрганларга ёрдам штабига эҳсонлар қабул қилиш давом этмоқда. Узоқ сақланадиган озиқ-овқатлар, кўрпа-тўшаклар ва айниқса қурилиш материаллари қабул қилинмоқда.


Аллоҳ таоло барчангизга Рамазон ойидаги хайр-эҳсонларингизга ажру савобларни кўпайтириб ато этсин!



Муаллиф
islom.uz
Мавзуга оид мақолалар
Жорий йилнинг 6 октябрь куни Ислом дунёсининг машҳур олими Мавлоно Неъматуллоҳ Аъзамий ҳафизаҳуллоҳ ва меҳмонлар Термиздаги зиёратларини якунлаб, Самарқандга давоми...

2054 20:09 / 06.10.2019
Қозоғистон пойтахти НурСултондаги .Ҳазрат Султон, масжидида мактаб ўқувчилари учун ёзги лагер очилди. Бу ҳақда Muslim.kz хабар беради.Ушбу лагерда, .Нур Муборак, давоми...

951 07:10 / 14.06.2019
Мисрнинг Вақф вазирлиги жорий йилнинг 19 январидан мамлакатнинг турли ҳудудларида Қуръони карим бўйича сабоқ берадиган ўқитувчиларнинг малакасини ошириш бўйича давоми...

1685 14:00 / 09.01.2019
Тошкент шаҳридаги Ҳазрати Имомrdquo жоме масжидига юртимизда меҳмон бўлиб турган АлАзҳар мажмуаси раҳбари, шайх Аҳмад Муҳаммад Тоййиб ташриф буюрди ва куни кеча давоми...

1294 10:20 / 13.10.2018
Топ рейтинг www.uz Openstat