Ҳимматингизга балли!
Сардобадаги офатда зарар кўрганларга ёрдам бериш штаби ташкил қилингани ҳақидаги эълон берилган заҳоти юртдошларимиздан юзлаб мурожаатлар бўлиб, миллионлаб сўмлик ўтказмалар, нақд пуллар, кийим-кечак, озиқ-овқат ва бошқа турдаги хайриялар келиб туша бошлади. Кимдир машинаси билан, кимдир маҳсулоти билан, кимдир яна қайсидир бошқа турда хизмат қилишга тайёрлигини изҳор қиляпти.
Хориждан ҳам қўнғироқлар бўлиб, ёрдамни қай тарзда етказиш сўраб, мурожаатлар бўляпти. Ҳамма қўлидан келган ёрдамни аямай, бошига мусибат тушган сирдарёлик ҳамюртларимизга ёрдам қўлини чўзмоқда. Ҳатто баъзи кишиларимиз молиявий ёрдам кўрсата олмасам ҳам, ҳеч бўлмаса юкларни ташиш ёки саралашга бўлса ҳам ёрдамим тегиб қолар дейишди.
Мана шундай диёнатли, саховатпеша, жонкуяр, бағрикенг халқимиз бор экан, бу мусибатни сабр билан қарши олиб, матонат кўрсатиб, олийҳимматлик кўрсатиб, бу синовлардан шараф билан ўтамиз, иншааллоҳ.
Аллоҳ таоло бу хайр-эҳсонларнинг ўрнини бу дунёда ҳам, у дунёда ортиғи билан тўлдирсин, ҳимматингизга балли, азиз юртдошлар!
Эслатма: Азизлар, бир офатга қарши курашаман деб, бошқа бир офатга бепарво қолмайлик, тожсимон вирусдан ҳимояланиш қоидаларига риоя қилишни унутмайлик.
Маълумотлар учун: @sardoba2020
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
