1446 йил 20 Рамазон | 2025 йил 20 март, пайшанба
Минтақа:
Тошкент
ЎЗ UZ RU EN
Муслималар саҳифаси

Тожсимон вирус сабаб муслима аёлларга эҳтиром тикланмоқда

15:00 / 19.04.2020 2767 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ғарб давлатларида бир неча муслима аёллар билан олиб борилган тадқиқот шуни кўрсатдики, тожсимон вирус ушбу мамлакатларда ҳижобли ва ўранган аёлларга бўлган эҳтиромнинг тикланишига сабаб бўлмоқда.

АҚШнинг Иллинойис штатидаги Шимоли Ғарбий университети тадқиқотчиси Анна Баяла АҚШ ва Буюк Британияда 38 нафар муслима аёлларда тадқиқот олиб борган ва натижаларининг бир қисмини Американинг «The Conversion» интернет сайтида эълон қилган.

Тадқиқотда Афара исмли (исми ўзгартирилган) британиялик аёлнинг тожсимон вирус пандемиясидан кейин Буюк Британия кўчаларида муслима ва рўмол ўраган аёллар билан муомалада «ажойиб фарқ» юзага келаётганини айтиб ўтар экан, сўзининг давомида: «Улар энди ниқобим ва қўлқопларим туфайли менга ёмон қарашмаяпти, ҳамма тўсатдан вазиятни тушунди», дея таъкидлади у.

Франциялик Жамила исмли муслима аёл ҳам ҳозирги глобал вазият уни шу пайтгача шаънига ёғилиб келган турли-туман «ғайриахлоқий изоҳлар»дан ҳимоя қилаётганини тасдиқлади.

Шунингдек, у халқаро мода уйларининг бир вақтнинг ўзида ҳам гўзаллик, ҳам саломатлик, соғлиқни сақлаш талабларига тўла мос келадиган юз ниқобларини яратиш тенденциялари ҳақида сўзлади.

Франция қонунлари жамоат жойларида ниқобда юришни тақиқлайди. Аммо пандемиядан сўнг  барча учун кўчага ниқобсиз чиқиш тақиқланди. Бир парча мато билан бўлса-да, юзни ёпиб чиқиш шарт.

Тадқиқотчи ўз сўровнома ва изланишларида аёлларнинг шахсини ҳимоя қилиш учун тахаллуслардан фойдаланган. Натижалар шуни кўрсатадики, аҳолисининг кўпчилиги мусулмон бўлмаган мамлакатларда (ҳижоб ёки ниқоб билан) ўранган мусулмон аёлларга қайта-қайта таҳдидлар қилинади, кўча-кўйда ҳужум қилинади.

Масалан, 2017 йилда Америкада 40та муслиманинг ҳаёти ўрганилиши натижасида уларнинг 85 фоизи оғзаки сўкиш ва ҳақоратларга, 25 фоизи эса ҳатто тан жароҳати етказиш ва жисмоний зўравонликка дучор бўлганлари аниқланган.

Халқаро мусулмон уламолар кенгаши сайтидан олинди.

МанбаMuslimaаt.uz

Мавзуга оид мақолалар
Расулуллоҳ соллаллоҳу алайҳи васалламнинг завжаи мутоҳҳараларининг ададлари кўп бўлгани бутун бошли қабилаларни бирлаштиргани, уларга хайру барака бўлганини давоми...

3282 17:07 / 04.03.2020
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Етим қиздан ўзи ҳақида изн сўралади. Агар сукут сақласа, ўша унинг изнидир. Агар давоми...

2330 15:00 / 20.05.2020
Расулуллоҳ соллаллоҳу алайҳи васаллам Оиша онамиз розияллоҳу анҳога ўша пайтда ўзларига хос шароит яратиб беришга ҳаракат қилар эдилар. Кўпинча у зот Оиша онамиз давоми...

3920 12:07 / 11.11.2018
Расулуллоҳ соллаллоҳу алайҳи васаллам бу фидокор саҳобияни ўзига яраша тақдирлашга қарор қилдилар. Унга уйланмоқчи ва унинг бошига тушган қийинчиликларни давоми...

3283 16:00 / 07.08.2019