Охиратга захира
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳаммод ибн Абу Ҳанифадан ривоят қилинади: «Довуд Тоийнинг озод қилган чўриси: «Эй Довуд, сизга ёғлик таом пишириб бераман», деди. У: «Майли», деди. Аёл таомни пишириб, Довуднинг олдига олиб келди. Шунда Довуд: «Фалончининг етим болалари нима қиляпти?» деди. У: «Ҳар доимгидек», деб жавоб қилди. Довуд Тоий: «Буни уларга олиб бор!» деди. Аёл бўлса: «Жоним сизга фидо бўлсин, (ҳеч бўлмаса) мана шу нон билан сувдан озгина еб олинг!» деди. Довуд: «Агар уни мен есам, ичимга сингиб, йўқ бўлиб кетади. Агар улар ейишса, Аллоҳ таолонинг ҳузурида захира бўлиб тўпланади», деди».
«Солиҳлар гулшани» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
