Аллоҳга илтижо...
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Эй қаро кўз асра ўзинг, шунда сенга жафо етмас,
Жафо қилсанг қайси жонға, Худо ҳаққи вафо етмас.
Буюк Ҳабиб, бўлса табиб, сенга зарра зиён етмас,
Тўрт ёшинда кўксин тилди, изоҳлашга баён етмас.
Муҳаммад соллаллоҳу алайҳи васалламга етди озор, бўлиб бедор, қилди зор-зор,
-Я Роббана бу қулларинг, билмас мени берма озор.
Хулқи Қуръон Ҳабибингни, синовларда кўп тобладинг,
Охир дамда душманларин, яксон қилиб ҳам бопладинг.
Мен қулингман қувватим йўқ, Расулингдек берма синов,
Лекин мени ошиқ қилгин, дийдорингни сўрай бирров.
Тоқатимдан ортиқ берма, Ё Илоҳим, йўқ бардошим,
Икки олам ташлаб қўйма, фойда бермаску қардошим.
Умид айтар умид қилиб, шафоатдан умидворман,
Ташлаб қўйма бизни Аллоҳ, йўқса қаро юзли хорман.
Нафсим ҳаво истар тинмай, ғавғоси кўп бу оламни,
Шафоатдан маҳрум қилма, Сени севган ҳар одамни.
Мен сиз учун шерлар ёзай, қалам олиб.
Сиз мен учун ўқиб қўйинг, уйда қолиб.
Жиззах шаҳар «Имом Бухорий» жоме масжиди имом ноиби Умиджон Ҳалилов
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
