1444 йил 13 муҳаррам | 2022 йил 10 август, чоршанба
Минтақа:
ЎЗ UZ RU EN
Мақолалар

Уч муборак дуо

10:45 / 13.03.2020 5736 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Фазилатли имом, муҳаддис, шайх Муҳаммад Аввома илм ўрганаётган талабаларга қуйидаги уч дуони ҳар куни ўқиб юришни вазифа тарзида тавсия этдилар:

1. Расулуллоҳ соллалоҳу алайҳи васалламнинг кўрсатмаларидан бири – ҳар куни тонгда бомдод намозидан сўнг қуйидаги дуони ўқишга буюрар эдилар:

اللهُمَّ إِنِّي أَسْأَلُكَ عِلْمًا نَافِعًا، وَرِزْقًا طَيِّبًا، وَعَمَلاً مُتَقَبَّلاً.

«Аллоҳумма, инний ас алука ъилман наафиъан, ва ризқон тоййибан, ва ъамалан мутақоббалан».

Маъноси: «Аллоҳим, Сендан фойдали илм, покиза ризқ ва мақбул бўлувчи амал насиб қилишингни сўрайман».

Имом Насаий, Ибн Можа ва Аҳмад Умму Салама розияллоҳу анҳодан ривоят қилган.

2. Ибн Шиҳоб Зуҳрий Қуръон ёки ҳадисдан бирор нарса гапирсалар ёки илм мажлисини тамомласалар, қуйидаги дуони айтардилар:

اللهُمَّ إِنِّي أَسْأَلُكَ كُلَّ خَيْرٍ أَحَاطَ بِهِ عِلْمُكَ فِي الدُّنْيَا وَالآخِرَةِ، وَأَعُوذُ بِكَ مِنْ كُلِّ شَرٍّ أَحَاطَ بِهِ عِلْمُكَ فِي الدُّنْيَا وَالآخِرَةِ.

«Аллоҳумма, инний ас алука кулла хойрин аҳаато биҳи ъилмука фид-дуня вал аахиро, ва аъуузу бика мин кулли шаррин аҳаато биҳи ъилмука фид-дуня вал-аахиро».

Маъноси: «Аллоҳим, Сендан дунё ва охиратда илминг иҳота қилган барча яхшиликни сўрайман ва Сенинг исминг билан дунё ва охиратда илминг иҳота қилган барча ёмонликдан паноҳ тилайман».

3. Абу Бакр Сиддиқ розияллоҳу анҳу шом намозининг учинчи ракъатида Фотиҳадан кейин:

»رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ«.

«Роббанаа, лаа тузиғ қулубанаа баъда из ҳадайтанаа, ва ҳаб ланаа мин-ладунка роҳма, иннака антал-Ваҳҳааб» оятини ўқирдилар.

Маъноси: «Роббимиз, бизни ҳидоят қилганингдан сўнг қалбларимизни оғдирмагин ва бизга Ўз ҳузурингдан раҳмат ато қилгин! Албатта Сен кўплаб ато қилувчисан» (Оли Имрон сураси, 8-оят)

Имом Молик «Муватто»да ҳасан санод билан ривоят қилган. 

Изоҳ: Моликий мазҳабида бу дуо намознинг учинчи ракъатида ўқилади. Ҳанафий мазҳабида эса шом намозининг фарзидан кейин ўқиймиз.

Валлоҳу аълам!

Islom.uz портали таҳририяти

Мавзуга оид мақолалар
.Субҳаналлоҳ, жумласи Аллоҳ таоло бандалари айтишини яхши кўрадиган зикрлардан ҳисобланади. Биз ҳар куни беш маҳал намоз ўқиганимизда ўттиз уч мартадан давоми...

23067 10:30 / 09.05.2020
Ўтиб кетган вақтга афсусланиш, инсонни ҳалокатга олиб борувчи афсусдир. Чунки, вақт жуда тез ўтиб кетади ва асло ортга қайтмади. Обид ибодат қилувчининг вақти, давоми...

4883 18:00 / 24.03.2019
Иккинчи бобАбу Ҳурайра розияллоҳу анҳудан ривоят қилинади .Набий соллаллоҳу алайҳи васаллам .Қачон Рамазон келса, жаннат эшиклари очилур, дўзах эшиклари ёпилур давоми...

1201 15:00 / 06.05.2019
Савол Атоқли форс шоири Фирдавсий ўзининг шоҳ асари .Шоҳнома, учун тақдирланмаган, жамиятда қадр топмай, умри охирида надоматлар ичра яшаган деб ўқиб қолдим. Бунга давоми...

1373 15:09 / 18.09.2020
Аудиолар

86144 11:58 / 10.10.2018
«Ҳилол» журнали
Китоблар

15372 14:35 / 11.08.2021
Топ рейтинг www.uz Openstat