1441 йил 15 шаъбон | 2020 йил 08 апрель, чоршанба
Минтақа:
ЎЗ UZ RU EN AR
Муслималар саҳифаси

Оналаримизнинг ададлари кўп бўлишининг ҳикмати

17:10 / 26 февраль 426 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бухорий, Муслим ва Абу Довудлар Маймуна онамиз розияллоҳу анҳодан ривоят қиладилар:

«Расулуллоҳ соллаллоҳу алайҳи васаллам хотинларини ҳайзли пайтларида иштон устидан қучоқлар эдилар».

Яна ўша кишидан ривоят қилинади:

«Расулуллоҳ соллаллоҳу алайҳи васаллам мен билан бирга ётар эдилар. Мен ҳайзли бўлсам, орамизда кийим бўлар эди».

Бу ҳадисда ҳам олдинги зикр қилинган маъно таъкидланмоқда. Ҳайз кўрган аёлни кийим устидан қучоқлашни шарт қилишнинг ҳикмати ҳаром қилинган нарса – ҳайзли аёлга жинсий яқинлик қилишнинг олдини олишдир.

Бухорий ва Муслимлар Маймуна онамиз розияллоҳу анҳодан ривоят қилган ҳадисда:

«Мен ҳайзли бўлган ҳолимда ҳам Пайғамбар соллаллоҳу алайҳи васаллам устимдаги мирт (жун чойшаб)нинг бир томонини устиларига қилиб олиб, намоз ўқир эдилар», дейилган.

Юқорида зикри ўтган каби фақат оила аъзоси ва бир ёки икки шахснинг орасида сир бўлиб қоладиган шахсий масалаларнинг шаръий ҳукмларини Ислом умматига мўминларнинг оналари етказмасалар, ким ҳам етказар эди?! Кўриб турганимиздек, Маймуна бинти Ҳорис онамиз бу масалада кўп хизматларни адо этганлар.

Оналаримизнинг ададлари кўп бўлишининг ҳикматларидан бири қудачилик асосида ўзаро алоқаларни мустаҳкамлашдир. Шу билан бирга, худди ана шу алоқалар орқали оналаримизнинг Расулуллоҳ соллаллоҳу алайҳи васаллам хонадонларида содир бўлган шаръий ҳукмларни яқин кишилари орқали Ислом умматига тарқатишлари каби ҳикматлар ҳам бор.

Ислом умматининг икки улкан илм денгизи Абдуллоҳ ибн Умар ва Абдуллоҳ ибн Аббос розияллоҳу анҳум бунга ёрқин мисоллардир. Улар опалари ва холалари туфайли Набий соллаллоҳу алайҳи васалламнинг хонадонларидан кўп нарсаларни ўрганишган.

Бухорий, Муслим ва бошқалар Ибн Аббос розияллоҳу анҳудан ривоят қиладилар:

«Холам Маймунанинг ҳузурларида тунаб қолдим. Бас, Пайғамбар соллаллоҳу алайҳи васаллам кечаси туриб, намоз ўқий бошладилар. Мен ҳам у зотнинг чап томонларида туриб, намоз ўқий бошладим. У зот менинг бошимдан ушлаб, ўнг тарафларига турғизиб қўйдилар».

Ушбу ривоятдан Пайғамбар соллаллоҳу алайҳи васалламнинг кечаси уйларида ўқийдиган намозларини ва имомга иқтидо қилувчи бир дона эркак киши бўлса, унинг ўнг томонида туриши кераклигини билиб олмоқдамиз. Агар ровийнинг холалари Пайғамбар соллаллоҳу алайҳи васалламнинг хотинлари бўлмаганда, буни қандай қилиб билиш мумкин эди?

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Ўтган асрнинг эллигинчи йилларида Мэрилин Монро Америка учун қанчалик бузуқлик тимсолига айланган бўлса, Брижит Бордо ҳам Европа учун шундай мақомда эди. У давоми...

2316 15:15 / 05.01.2019
Қалбига муҳаббат шамоли кирмаган аёл омоч билан ҳайдалмаган, дарахтлару, фойдали ўсимликлар ўсмайдиган, бунинг ўрнига ҳашарот ва қуртқумурсқалар ўрмалаб юрган давоми...

3836 19:30 / 23.03.2019
Расулуллоҳ соллаллоҳу алайҳи васаллам бу фидокор саҳобияни ўзига яраша тақдирлашга қарор қилдилар. Унга уйланмоқчи ва унинг бошига тушган қийинчиликларни давоми...

1673 16:00 / 07.08.2019
IIIҲафса бинти Умар розияллоҳу анҳо нубувват хонадонига янги аъзо бўлиб келганларида у ерда Савда онамиз ва Оиша онамиз бор эдилар. Ҳафса бинти Умарнинг оталари давоми...

822 13:30 / 16.03.2019
Топ рейтинг www.uz Openstat