1441 йил 2 ражаб | 2020 йил 26 февраль, чоршанба
Минтақа:
ЎЗ UZ RU EN AR
Муслималар саҳифаси

Аллоҳга ва охират кунига иймон келтирган аёл бирор маййит учун уч кундан ортиқ аза тутиши ҳалол эмас

16:12 / 22 январь 975 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Умму Ҳабиба онамиз розияллоҳу анҳо Пайғамбар соллаллоҳу алайҳи васалламдан 65та ҳадис ривоят қилганлар. Баъзи уламоларнинг таъкидлашларича, у киши бу борада Оиша онамиз ва Умму Салама онамиздан кейинги ўринда турадилар.

Умму Ҳабиба онамиз илмли, балоғат ва фасоҳатлари юқори даражада бўлган зотлардан эдилар.

У киши кўп нафл намоз ўқир ва нафл рўза тутар эдилар. У киши Пайғамбар соллаллоҳу алайҳи васалламнинг суннати мутоҳҳараларига амал қилишда ҳам ҳаммага ўрнак эдилар.

Ҳумайд ибн Нофеъ розияллоҳу анҳу ривоят қилинади:

«Менга Зайнаб бинти Абу Салама ушбу ҳадиснинг хабарини берди. У айтди:

«Пайғамбар соллаллоҳу алайҳи васалламнинг жуфти ҳалоллари Умму Ҳабибанинг олдиларига кирдим. Ўша пайт унинг отаси Абу Суфён вафот этган кунлар эди. У сариқ рангли бир аралаш ёки бошқа хушбўй нарса келтиришларини сўради. Ундан бир қизчага суртиб кўрди-да, кейин ўзининг икки юзига суртиб туриб:

«Аллоҳга қасамки, ҳозир хушбўй нарса суртадиган ҳолим йўқ, аммо Расулуллоҳ соллаллоҳу алайҳи васалламнинг минбардан туриб:

«Аллоҳга ва охират кунига иймон келтирган аёл бирор маййит учун уч кундан ортиқ аза тутиши ҳалол эмас. Фақат эрига тўрт ой-у ўн кун тутади» деганларини эшитган эдим», деди».

Умму Ҳабиба онамиз ҳазрати Усмон розияллоҳу анҳуни фитначилардан ҳимоя қилишга уринган кишилардан эдилар.

«Мўминларнинг онаси Умму Ҳабиба бинти Абу Суфён бир мешчада сув олиб келдилар. Улар у кишининг хачирларининг юзига урдилар. У киши:

«Бу одамнинг ҳузурида Бани Умайянинг васият қилган нарсалари бор. Тул ва етимларнинг моллари ҳалок бўлмаслиги учун сўраб олмоқчиман», дедилар.

«Ёлғончисан!» дейишди улар.

Кейин улар у кишининг хачирларининг арқонини қилич билан кесиб юборишди. Хачир ҳуркиб кетди. Мўминларнинг онаси йиқилиб тушай дедилар. Одамлар у кишини уйларига олиб боришди».

Шундай, фитнага мубтало бўлганларда ҳеч қандай одамгарчилик қолмайди. Уларнинг барча нобакорликларини бир томонга қўйиб, Умму Ҳабиба онамизга нисбатан қилган одобсизликларини олсак ҳам ҳар қанча қоралаш учун етиб, ортади.

Ибн Саъд раҳматуллоҳи алайҳи Оиша онамиз розияллоҳу анҳодан қуйидагиларни ривоят қиладилар:

«Набий соллаллоҳу алайҳи васалламнинг завжалари Умму Ҳабиба онамиз розияллоҳу анҳо ўлимлари олдидан мени чақирди ва:

«Орамизда кундошлар орасида ўтадиган нарсалар бўлиб ўтган. Ўша нарсалардан гуноҳларимиз бўлса, Аллоҳ сени ҳам, мени ҳам мағфират қилсин», деди.

«Аллоҳ сени уларнинг ҳаммасидан мағфират қилсин, Ўзи кечирсин. Мен ҳаққимни ҳалол қилдим», дедим.

«Сен мени масрур қилдинг, Аллоҳ сени масрур қилсин», деди у. Сўнгра Умму Саламага ҳам одам юбориб, худди ўша нарсаларни унга ҳам айтди».

Умму Ҳабиба онамиз розияллоҳу анҳо вафот этганларида ҳижрий қирқ тўртинчи сана эди.

Аллоҳ таоло Умму Ҳабиба онамиз розияллоҳу анҳодан рози бўлсин!

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Пайғамбар соллаллоҳу алайҳи васаллам ҳаждан Зулҳижжа ойидан беш кун қолганда қайтиб келдилар. Янги, 11ҳижрий йилнинг биринчи ойи ndash Муҳаррам ҳам ўтди. Сафар давоми...

1591 20:00 / 31.12.2018
Расулуллоҳ соллаллоҳу алайҳи васалламдан ўн саккиз ёшларида ажраб қолган Оиша онамиз розияллоҳу анҳо у зотдан кейин яна қарийб ярим аср умр кўрдилар. У киши бу давоми...

1331 12:45 / 13.01.2019
Ислом ўзининг одилона ҳукмлари ила аёл кишига нисбатан қаттиқ таклифларни қўймаслик қоидасига биноан, уларни жангда қатнашиш масъулиятидан озод қилди.Шунга давоми...

1428 20:05 / 04.09.2019
София бинти Ҳуяй розияллоҳу анҳо иддалари чиққунча Умму Сулайм розияллоҳу анҳонинг қарамоғида турдилар. Расулуллоҳ соллаллоҳу алайҳи васаллам ҳам у кишининг давоми...

1321 20:05 / 13.11.2019
Аудиолар

31423 11:58 / 10.10.2018
«Ҳилол» журнали
Китоблар
Топ рейтинг www.uz Openstat