1445 йил 14 зулқаъда | 2024 йил 22 май, чоршанба
Минтақа:
ЎЗ UZ RU EN
Янгиликлар

Бухорода янги масжид очилди

10:00 / 28.12.2019 2835 pdf Ўқиш режими + -

Жорий йилнинг 27 декабрь куни Бухоро вилоятининг Қоровулбозор туманида янги масжид фойдаланишга топширилди. Унга  ислом оламидаги улуғ тобеинлардан бири «Абдуллоҳ ибн Муборак» номи берилди. Шу куни муҳташам масжидда илк маротаба жума намози адо этилди. Шукрона сифатида элга ош дастурхони ёзилди. Маросимда Ўзбекистон мусулмонлари идораси Масжидлар бўлими мудири Муҳаммадназар домла Қаюмов, уламолар, имом-хатиблар иштирок этиб, ҳудуд аҳолисини янги масжид билан қутлашди.

Қоровулбозор туманида шу вақтгача масжид йўқ эди. Бугунги кунда туманда 19 000 аҳоли истиқомат қилади. Аҳолининг кўп қисми жамоат намозларини адо этиш учун тумандан 50 км масофада жойлашган Когон туманидаги масжидларга қатнар эди. Бу албатта кўпчиликка қийинчилик туғдирар, айниқса кексалар учун мушкул ҳолат эди. «Туманимизда ҳам масжид бўлса эди», дея орзу қилишар эди.

Ниҳоят бу борада қилинган ҳатти-ҳаракатлар, уринишлар зое кетмади. Аҳолининг бир неча бор қилган мурожаатлари инобатга олиниб, маҳаллий ҳокимлик томонидан масжид қурилиши учун «Тинчлик» маҳалласи ҳудудидан ер ажратилди.

Халқ ҳашари йўли билан бу жойда замон талабларига жавоб берадиган ва намозхонлар учун қулай шароитларга эга 450-500 кишилик сиғимга эга бўлган масжид қурилди. Тегишли ҳужжатлар тайёрланиб, вилоят адлия бошқармасидан давлат рўйхатидан ўтказилганлиги ҳақида гувоҳнома олинди. 

Қишлоқ аҳолисининг севинчи чексиз. Тиллари-ю диллари шукронада, дуода. Кўп йиллик армонлар бугун барҳам топди. Энди уларнинг ҳам ўз масжидлари, имом-хатиблари бор. Қорвулбозорда яна азон баралла янгради. Ҳақ таолонинг раҳматлари азон садолари етиб борган жойларгача сакинат ила нозил бўлди, гўё. Бу азон ҳудуд аҳолиси учун нажот чақириғи, маърифат, тарбия, илоҳий раҳматнинг даъвати бўлиб қайтиб келди. Зеро масжидлардан Аллоҳ таолонинг раҳмат нурлари таралиб туради. Ибодат, маърифат, биродарлик маскани бўлиб, мусулмонлар эътиқодини мустаҳкамлашга, ахлоқининг гўзаллашишига, ёмонликлардан узоқда бўлишига сабаб бўлади.

Шу билан Ўзбекистондаги масжидлар сони 2066 тага етди. Эслатиб ўтамиз, жорий йилнинг ўзида 10 та янги масжид очилиб, фаолият юрита бошлади.

Islom.uz портали таҳририяти

Манба
Ўзбекистон мусулмонлари идораси
Мавзуга оид мақолалар
Маълумки, жорий йилнинг 9 февраль куни мамлакатимиз раҳбари Шавкат Мирзиёев ташаббуси билан янги масжид қуриш ва унга шайх Муҳаммад Содиқ Муҳаммад Юсуф номини давоми...

6977 11:01 / 02.08.2018
Ҳанафий фиқҳи мактаби қандай шаклланган, ҳанафий фиқҳининг далилллари қай даражада, Aҳли сунна вал жамоа деганда кимларни тушуниш лозим, Қуръони карим ва ҳадиси давоми...

1292 15:00 / 16.03.2021
Дубайда жойлашган Kebab Shop муассаси ёнида антиқа эълонга кўзингиз тушади ndash унда таомлар рўйхати бўлиб, уларга чегирмалар кўрсатилмаган, лекин вақтинча ишсизлар у давоми...

2168 10:49 / 17.10.2018
Мисрнинг нуфузли .Ахбар алЙаум, газетаси Имом Мотуридий таълимотига оид мақола чоп этди. Унда Ислом дунёсида мўътадил қарашларни ёйиш, Мотуридий таълимотини давоми...

1171 14:30 / 31.03.2021
Видеолар
Аудиолар

121721 11:58 / 10.10.2018
«Ҳилол» журнали
Китоблар

43162 14:35 / 11.08.2021