Масжидга пиёз, саримсоқ пиёз еб келмаслик
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ جَابِررَضِيَ اللهُ عَنْهُ، عَنِ النَّبِيِّ ﷺ قَالَ: «مَنْ أَكَلَ الْبَصَلَ وَالثُّومَ وَالْكُرَّاثَ فَلَا يَقْرَبَنَّ مَسْجِدَنَا، فَإِنَّ الْمَلَائِكَةَ تَتَأَذَّى مِمَّا يَتَأَذَّى مِنْهُ بَنُو آدَمَ». وَفِي رِوَايَةٍ: «مَنْ أَكَلَ ثُومًا أَوْ بَصَلًا فَلْيَعْتَزِلْنَا أَوْ فَلْيَعْتَزِلْ مَسْجِدَنَا وَلْيَقْعُدْ فِي بَيْتِهِ». وَفِي أُخْرَى: «مَنْ أَكَلَ مِنْ هَذِهِ الْبَقْلَةِ فَلَا يَقْرَبَنَّ مَسَاجِدَنَا حَتَّى يَذْهَبَ رِيحُهَا». رَوَاهُ الْخَمْسَةُ. وَلِمُسْلِمٍ وَالنَّسَائِيِّ: قَالَ عُمَرُ رَضِيَ اللهُ عَنْهُ فِي خُطْبَةٍ: «أَيُّهَا النَّاسُ، تَأْكُلُونَ شَجَرَتَيْنِ لَا أَرَاهُمَا إِلَّا خَبِيثَتَيْنِ: الْبَصَلَ وَالثُّومَ، رَأَيْتُ رَسُولَ اللهِ ﷺ إِذَا وَجَدَ رِيحَهُمَا مِنَ الرَّجُلِ فِي الْمَسْجِدِ أَمَرَ بِهِ، فَأُخْرِجَ إِلَى الْبَقِيعِ، فَمَنْ أَكَلَهُمَا فَلْيُمِتْهُمَا طَبْخًا».
Жобир розияллоҳу анҳудан ривоят қилинади:
«Набий соллаллоҳу алайҳи васаллам: «Ким пиёз, саримсоқ пиёз ва ёввойи пиёз еган бўлса, масжидимизга асло яқин келмасин. Чунки одам болалари озор топадиган нарсалардан фаришталар ҳам озор топадилар», – дедилар».
Бошқа бир ривоятда:
«Ким саримсоқ пиёз ёки пиёз еган бўлса, биздан четда бўлсин ёки масжидимиздан четда бўлсин, уйида ўтирсин», – дедилар».
Яна бошқа ривоятда эса:
«Ким ушбу сабзавотни еса, унинг ҳиди кетмагунча, асло масжидимизга яқин келмасин», – дедилар».
Бешовлари ривоят қилишган.
Муслим ва Насоий келтирган ривоятда:
«Умар розияллоҳу анҳу ўз хутбаларида: «Эй одамлар! Сизлар икки хил нарсани ейсизлар. Мен у иккисини яхшимас деб биламан. У – пиёз ва саримсоқ пиёз. Расулуллоҳ соллаллоҳу алайҳи васаллам қайси бир одамда уларнинг ҳидини топсалар, уни амр қилиб, Бақиъга чиқартириб юборар эдилар. Ким у иккисини емоқчи бўлса, пишириб, ўлдириб есин», – дедилар».
«Жума ҳақидаги оят ва ҳадис» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
