1446 йил 21 муҳаррам | 2024 йил 27 июль, шанба
Минтақа:
ЎЗ UZ RU EN
Тазкия

Аллоҳ билан унсу улфат бўлиш

05:00 / 01.03.2017 3389 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

АЛЛОҲ БИЛАН УНСУ УЛФАТДА БЎЛИШ ВАЛИЙ ЗОТЛАРГА БЕРИЛГАН НЕЪМАТДИР:

Аҳмад ибн Ҳанбал агар тунда ибодат билан бедор бўлмайдиган талабани кўрсалар уни таълим олишдан тўхтатардилар. Тунларнинг бирида у кишининг ҳузурларида Абу Исмат номли бир киши бирга қолди. Имом унинг таҳорати учун сув қўйдилар. Кейин бомдод намозига азон айтилишидан олдин келсалар уни ухлаган ҳолда топдилар. Сув эса қандай қўйган бўлсалар шу ҳолида турар эди. Уни имом уйғотдилар ва: "Эй Абу Исмат! Бу ерга нима учун келгансан?" десалар, у: "Мен бу ерга ҳадис талабида келганман", деди. Имом: "Сенда таҳажжуд ўқиш одати йўқ экан, қандай қилиб ҳадис талаб қиласан, қаердан келган бўлсанг шундай кетавергин", дедилар.

Имом Шофеъий: "Олим кишининг ўзи билан  Аллоҳ орасида беркитган солиҳ амали бўлиши лозим. Одамларга кўринган илм ёки амални охиратда фойдаси оздир", дедилар.

Бир киши туш кўриб: "Аллоҳ илмим сабабли гуноҳларимни мағфират қилди. Бундай одамлар озчиликни ташкил қилар эди", деди. (Имом Нававийнинг "Муқаддиматул мажмуъ" китобидан)

Абу Сулаймон Дороний: "Агар тун бўлмаганида мен дунёда қолишни хуш кўрмас эдим", дедилар.

Али ибн Баккор: "Қирқ йилдан бери мени фақат тонг отиши ҳафа қилади холос", дедилар.

Сиррий: "Фойдаларни туннинг зулматли қисмида таралашини кўрдим", дедилар.

Фузайл ибн Иёз: "Агар Қуёш ботса, Роббим билан қоронғуликда холи қолишимдан шод бўлдим. Агар Қуёш чиқса одамлар ҳузуримга киришидан маҳзун бўлдим", дедилар.

Абу Сулаймон: "Тунда ибодат қилувчилар бефойда тунни ўтказувчилардан кўра вақти мароқлидир. Агар тун бўлмаганида мен дунёда қолишни хуш кўрмас эдим", дедилар.

Ибн Мункадир: "Дунёдаги лаззатдан фақат уч нарса қолди холос: Тундаги бедорлик, биродарлар билан суҳбатлашиш ва жамоат билан намоз ўқиш", дедилар.

Олимлардан бири: "Туннинг келиши муҳаббат аҳлининг наздида худди Яъқубнинг кўз ўнгида турган Юсуфнинг кўйлагига ўхшайди", деди.

Тунги намоз унсу улфат ва неъмат бўлиб, уни фақат Аллоҳга яқин бўлган зотлар билишади холос.

Ким тунги ибодат лаззатини тотса, уни билади. Ким билса татий олади.

Аллоҳим! Бизларни ҳам тунги ибодатда қоим бўладиганлар қаторида қилгин!


Манба: www.islom.uz

Таржимон: Анвар Аҳмад


Муаллиф
islom.uz
Мавзуга оид мақолалар
Ҳаёнинг ҳақиқатиАлбатта, ҳаё барча ёқимли ишни қилишга ва барча ёқимсиз, ҳунук ишни қилмасликка ундовчи хулқдир. Ҳаё нафсдаги мақталган сифатлардан биридир. У давоми...

2999 05:00 / 01.03.2017
Тариқатдаги кишининг кундалик вазифалари аниқ бўлади. Бунда у аввало кундалик фарз ва вожиб амалларга алоҳида эътибор беради. Ўзининг бурчи бўлган бу амалларни давоми...

4062 12:04 / 27.11.2018
Бир одам доим шундай дуо ўқирканndash Эй осмони фалакни ўз низомида тутган Аллоҳ, масъулиятсиз дунё ҳаётидан мени қутқар..Муҳаммад ибн Мунқадир .Одамлар бўладики, давоми...

4552 19:30 / 20.12.2018
.Карийм, сифати .карам, сўзидан олинган бўлиб, бир нарсанинг ўзида бор шарафига ёки хулқларидан биридаги шарафга далолат қилади. Карим киши, карим ҳайвон ёки карим давоми...

3292 05:00 / 28.02.2017
Аудиолар

125273 11:58 / 10.10.2018
«Ҳилол» журнали
Китоблар

46307 14:35 / 11.08.2021