Аллоҳ ҳузурида менга гувоҳлик берасанми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ибн Аббос розияллоҳу анҳу Умар розияллоҳу анҳуга: «Эй мўминларнинг амири! Аллоҳга қасамки, Исломни қабул қилганингиз динга ёрдам бўлди. Амирлигингиз фатҳларга сабаб бўлди. Аллоҳга қасамки, ер юзини адолатга тўлдирдингиз. Икки хусуматчи олдингизга келса, айтган сўзингизга рози бўлишди», дедилар. Шунда Умар розияллоҳу анҳу: «Менга бир курси олиб келинглар», дедилар. Курсига ўтириб, Ибн Аббос розияллоҳу анҳуга: «Ҳозирги сўзларингни қайтар», дедилар. Ибн Аббос розияллоҳу анҳу гапларини қайтарганидан сўнг: «Шу гапларинг билан қиёмат куни Аллоҳнинг ҳузурида гувоҳлик бера оласанми?» дедилар ҳазрати Умар. Ибн Аббос розияллоҳу анҳу: «Ҳа», дедилар. Умар розияллоҳу анҳу бу гапдан ниҳоятда севиниб кетдилар».
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
