1441 йил 19 зулҳижжа | 2020 йил 09 август, якшанба
Минтақа:
ЎЗ UZ RU EN AR
Тазкия

Ахлоқни сайқаллаш йўли

05:00 / 28.02.2017 1646 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўтган сатрлардан ахлоқда мўътадил бўлиш нафснинг соғломлиги, мўътадилликдан оғиш дард ва беморлик экани аён бўлади. Энди нафсни даволаш ҳам худди баданни даволаш каби бўлади. 

Бадан мукаммал равишда яратилмагани, ғизо ва тарбия ила мукаммал бўлгани каби, нафс ҳам тўлдирилишга муҳтож ҳолда яратилаи. Нафс поклаш ва ахлоқни сайқаллаш ҳамда уни илм билан ғизолантириш ила мукаммал бўлади.

Агар бадан соғлом бўлса, табибнинг вазифаси унинг соғлигини сақлаш бўлади. Агар у бемор бўлса, соғлигини тузатишга ҳаракат қилиши керак бўлади.

Шунингдек, нафсда покизалик сайқалланган бўлса, уни сақлаб янада бақувват қилиш пайидан бўлинади. Агар баркамол бўлмаса, унга баркамолликни жалб қилиш лозим бўлади.

Баданнинг хасталигига сабаб бўлган иллатни унинг зидди ила даволанади. Иссиқлик сабабидан хаста бўлган бўлса, унга совуқлик берилади. Тескариси бўлса, аксинча даволанади.

Шунингдек, ахлоқнинг бузуқ бўлишига сабаб бўлган қалб хасталиклар ҳам ўзининг зидди ила даволанади. Мисол учун, жоҳиллик дарди илм билан даволанади. Бахиллик дарди сахийлик, кибр тавозу билан даволанади.

Баданларни тузатиш учун дорининг аччиғига чидаш ва иштаҳа тортиб турган нарсани тарк қилишда сабр керак бўлганидек, қалб хасталигини даволашда ҳам мужоҳаданинг аччиғига чидаш ва даволаш машаққатига сабр қилиш лозим бўлади. Унутмаслик лозимки, баданнинг хасталигидан ўлиб қутилиш мумкин, аммо қалб хасталигидан ўлиб ҳам қутилиб бўлмайди.

Муридлар нафсининг даволовчиси уларнинг ҳаммасига бир хил риёзатни белгилайвермаслиги керак. Аввало, уларнинг ахлоқларини ва хасталикларини текшириб кўрсин. Ҳамма дардни бир хил дори билан даволаб бўлмайди.

 Шариатни билмайдиган жоҳилни кўрса, илм билан даволайди. Мутакаббирни кўрса, уни тавозуни ҳосил қиладиган давони буюради. Аччиғи тез одамни кўрса, унга ҳилмни ўргатади ва ҳоказо.

Муаллиф
islom.uz
Мавзуга оид мақолалар
Сунний тасаввуф ўзи нима ва унинг вазифаси нимадан иборатАввало турли омилларга кўра .тасаввуф, сўзи орқали ифода қилинаётган ҳақиқатнинг .руҳий тарбия,, давоми...

2232 13:02 / 05.11.2018
Ҳофиз Ибн Касир раҳимаҳуллоҳ ўзларининг АлБидоя ван Ниҳояrdquo номли китобларининг масжидлар масъаласида бир қиссани зикр қилганлар.Тафсир илмида машҳур бўлган давоми...

3651 05:00 / 01.03.2017
Минг афсуслар бўлсинким, ҳижрий еттинчи асрдан кейин барча исломий билимлар бошига тушган таназзул тасаввуфни ҳам четлаб ўтмади. Замон ўтиши билан тасаввуфнинг давоми...

2587 10:30 / 08.10.2018
Ҳар бир мусулмоннинг бошқа мусулмонларда бир қанча ҳақлари бордир. Баъзиларни амал қилиш учун ўрганиб чиқамиз.Абу Ҳурайра розияллоҳу анҳудан ривоят қилинади давоми...

1930 05:00 / 28.02.2017
Топ рейтинг www.uz Openstat