1444 йил 11 Рамазон | 2023 йил 02 апрель, якшанба
Минтақа:
ЎЗ UZ RU EN
Янгиликлар

Ўзбекистон Халқаро ислом академиясида хорижлик абитуриентлар учун қабул бошланди

14:00 / 18.07.2019 1670 pdf Ўқиш режими + -

Ўзбекистон Халқаро ислом академияси 2019-2020 ўқув йили учун чет эл фуқароларини бакалавр таълим йўналишларига қабул очилганини эълон қилади. Бу ҳақда Ташқи ишлар вазирлиги матбуот хизмати маълум қилди.

Хорижлик абитуриентлар академияга кириш имтиҳонларидан озод этилади ва суҳбат асосида қабул қилинади. Талабалар истакларига кўра, ўзбек ва рус тилида ўқишлари мумкин. Уларга диний ва дунёвий фанлардан дарс берилади.

Академияда қуйидаги йўналишлар ва мутахассисликлар бўйича таҳсил олиш мумкин:

Бакалавр таълим йўналишлари (4 йил):

- Хорижий мамлакатлар иқтисодиёти ва мамлакатшунослик (мусулмон мамлакатлари);

- Халқаро муносабатлар;

- Исломшунослик (Қуръоншунослик, ҳадисшунослик, ислом ҳуқуқи, ақида ва тасаввуф, ислом тарихи ва манбашунослиги);

- Диншунослик;

- Психология (Дин социо психологияси);

- Филология ва тилларни ўқитиш (араб тили);

- Туризм (зиёрат туризми).

Айни пайтда Ўзбекистон халқаро ислом академиясида Россия Федерацияси, Қирғизистон ва Тожикистон Республикаси фуқаролари таҳсил олмоқда. 2019 йилдан бошлаб, Россия мусулмонлари диний кенгаши муфтийси Альбир Крганов докторантурага қабул қилинди.

Бу йилги қабул жараёнида чет эл фуқароларига қулайлик яратиш мақсадида ҳужжатларни электрон тарзда international@iiau.uz ва +998907888745 (Telegram va WhatsApp) рақами орқали қабул қилиш йўлга қўйилди. Шунингдек, хорижий талабалар ўқиш шартномаси суммасининг ўзларига мақбул шаклини танлаш имконияти яратилган.

Ўқишга қабул қилинган хориж фуқароларининг виза олиши ва яшаши билан боғлиқ ҳужжатларни расмийлаштириш академиянинг Халқаро ҳамкорлик бўлими мутахассислари ёрдамида амалга оширилади.

Мурожаат учун:

international@iiau.uz

+998907888745

+998935510593 (инглиз тилида мурожаат учун)

+99871244959

Islom.uz портали таҳририяти

Мавзуга оид мақолалар
Бирлашган Миллатлар Ташкилоти ўзининг расмий сайтида Мьяманинг Аракан минтақасида истиқомат қиладиган мусулмонларга қарши яна қайтадан бошланган ҳарбий давоми...

1381 13:30 / 17.01.2019
Ўзбекистон мусулмонлари идораси тасарруфидаги Ҳадис илми мактабига 20192020 ўқув йили бўйича ўқишга кириш истагида бўлган абитуриентлар учун жорий йилнинг 1729 июнь давоми...

1393 20:50 / 11.06.2019
Давлатимиз томонидан муборак Рамазон ойида яна бир хайрли, улкан аҳамиятга эга Меҳрrdquo инсонпарварлик операцияси амалга оширилди, деб хабар бермоқда президент давоми...

1216 11:50 / 30.05.2019
2011 йилда Италияда яратилган рекорд даражадаги йирик Қуръони Каримнинг босма нусхаси Қозонда қайта таъмирдан чиқарилди. Islam todayrdquo сайтининг хабар беришича, барча давоми...

3889 13:28 / 10.08.2018