8 нафар киши велосипедда Лондондан муборак ҳаж сафарига чиқдилар
2019 йил 7 июнь куни Лондондан йўлга чиққан 8 нафар киши велосипедда икки ой мобайнида Мадинага етиб келишади, деб хабар беради iqna. Маршрут 4000 км.ни ташкил этади ва 17 давлатни ўз ичига олган.
Анадолу ахборот агентлигининг хабар беришича, саккиз нафар мусулмон Истанбулга етиб келган. Туркиядан сўнг, Ироқ ва Сурияни велосипедда кесиб ўтиш имконсиз бўлгани сабабли самолёт билан Мисрга сафар қиладилар. Гуруҳ аъзоларидан бири Жунайд Афзал ўз сафарларини шундай баён этди: «Биз 7 июнь куни Лондондан жўнадик ва 60 кун ичида 4000 километр йўл босмоқчимиз. Сафардан сўнг 628,600 минг АҚШ доллари йиғиб, буни камбағал мусулмонларга бермоқчимиз».
«Бу йўл биз учун кўп жиҳатдан муҳим. Биз ҳаммамиз ҳар доим буюк Парвардигор йўлида бўламиз. Йўлда ажойиб одамларни учратяпмиз. Бу жуда ҳам қадрли», дейди биринчи марта Ҳаж сафарига чиққан Зайн Ламбат. — Агар ҳажга боришни истасангиз, Аллоҳ шубҳасиз сизга йўлни янада осонлаштиради. Биз жуда кичик бюджет билан йўлга чиққан эдик, лекин Аллоҳ бизга ёрдам берди ва биз ажойиб инсонлар билан учрашдикки, улар бизга чин юракдан ёрдам бердилар.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
