Менинг уйимда Аллоҳга осийлик бўлмасин
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Муҳаммад ибн Холид Доббий айтади: «Хайсама ибн Абдурраҳмон ибн Абу Самура касал бўлмагунича унинг Қуръонни қандай ўқишини билмас эдик. Бир куни унинг аҳволи оғирлашиб қолди. Хотини унинг ёнида ўтириб, йиғлади. Хайсама хотинига: «Ўлим ҳақ-ку, нега йиғлайсан?» деди. Хотини: «Сиздан кейин менга эркаклар ҳаром бўлсин» (яъни «эрга тегмайман»), деди. Эри унга: «Хайсаманинг истаги бу эмас. Мендан кейин бир кишигагина тегишингдан қўрқаман – у ҳам бўлса, акам Муҳаммад ибн Абдурраҳмонга, чунки у фосиқ одам, шароб ичади. Кунига уч маҳал Қуръон тиловат қилинадиган бу уйимда шароб ичилишидан ташвишдаман», деди.
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
