1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Ғам-ташвишдан қутулмоқчимисиз?

09:08 / 06.07.2019 2292 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ушбу сурат National Geographic сайтида эълон қилинган бўлиб, унда инсоннинг ёнида турган ҳутни ҳақиқий катталикда кўришимиз мумкин. Бу расмдаги ҳутга, унинг оғзи қанчалик катталигига қаранг. У ёнида турган инсонни осонлик билан ютиб юбориши мумкин.

Оғирлиги 100 тоннадан оғирроқ бўлган улкан ҳут сизни ютиб юборишини ва сиз зулмат ичида қолишингизни ҳеч ўйлаб кўрганмисиз? Агар шундай вазият бошингизга тушса, нима қилар эдингиз? Кимга нидо қилардингиз?

Сиз нидо қилаётган Зот, сизни ижобат қилишга қодирлигини тасаввур қиласизми?

Юнус алайҳиссаломни улкан ҳут ютиб юборгани ҳақида Қуръони Карим хабар берган. У киши ҳутнинг қорнида, зулматда туриб, «Сендан ўзга Илоҳ йўқ, Сен поксан, мен золимлардан бўлдим» деб тасбеҳ айтар эдилар. Мана шу тасбеҳлари у кишининг ғамдан қутулишларига сабаб бўлди. Аллоҳ таоло дарҳол у бандасига нажот берди ва ҳутнинг оғзидан ташқарига чиқарди.

Аллоҳ таоло Қуръони каримда марҳамат қилади:

«Бас, Биз унинг (дуосини) ижобат қилдик. Унга ғамдан нажот бердик. Мўминларга шундай нажот берурмиз» (Анбиё сураси, 88-оят).

Дўстларим! Сиз ўз муаммоларингиз ва ғамларингизни ҳутнинг қорнидаги Юнус алайҳиссаломнинг ғамларидан каттароқ деб ўйлайсизми?! Албатта, ушбу солиҳ бандасига дуосининг баракаси билан муаммодан нажот берган Зот бизга ҳам ҳар қандай муаммодан нажот беришга қодирдир!

Лекин бир шарти бор. Ушбу дуони ихлос билан кўп қилишимиз керак.

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ

«Лаа илааҳа иллаа анта. Субҳаанака. Инний кунту миназ зоолимийн».

«Сендан ўзга Илоҳ йўқ, Сен поксан, мен золимлардан бўлдим».

Аллоҳ таолога барча мусулмонларни ғамдан қутқаришини сўраб дуо қиламиз. Албатта, У барча нарсага қодирдир!

«Юнус алайҳиссаломнинг дуолари» номли мақоладан

Тайёрлади: Нозимжон Ҳошимжон

Мавзуга оид мақолалар
Каъб ибн Молик розияллоҳу анҳудан ривоят қилинади.Набий соллаллоҳу алайҳи васаллам.Кишининг мол ва шуҳратга бўлган ҳирси унинг дини учун қўйлар ичига қўйиб давоми...

1730 09:25 / 18.06.2019
658. Абу Ҳурайрадан ривоят қилинади.Набий соллаллоҳу алайҳи васаллам.Ким Аллоҳдан сўрамаса, Аллоҳ унга ғазаб қилади,, дедилар,.Шарҳ Ибн Масъуд розияллоҳу анҳудан давоми...

7654 22:43 / 05.05.2017
Интернетда йўлга қўйилган хизматлардан бири электрон почтадир. Бу хизмат орқали кишилар асосан бирбирларига мактублар ва турли маълумотлар юборишади. Илгаридан давоми...

2168 07:01 / 02.11.2018
Бизда .қон олиш, деб аталадиган истилоҳ арабларда иккига бўлинади.Биринчиси, .ҳижома, деб аталиб, бошдан қон олишни англатади.Иккинчиси, .фасд, деб аталиб, жисмнинг давоми...

7961 12:05 / 22.10.2019
Аудиолар

118776 11:58 / 10.10.2018
«Ҳилол» журнали
Китоблар

40727 14:35 / 11.08.2021