1446 йил 17 Рамазон | 2025 йил 17 март, душанба
Минтақа:
Тошкент
ЎЗ UZ RU EN
Янгиликлар

Президент: Ислом цивилизацияси маркази илмий фундаментал база бўлиши лозим

15:20 / 25.06.2019 1963 pdf Ўқиш режими + -

Президент Шавкат Мирзиёев ўтган йили июнда Ўзбекистон ислом цивилизацияси маркази қурилишига рамзий тамал тоши қўйган эди. Ўтган вақт давомида бу ерда кенг кўламли бунёдкорлик ишлари амалга оширилди. Иншоот ертўласи ва деворлари қурилди, айни пайтда том қисми конструкциялари монтаж қилинмоқда.

Қарийб 10 гектарни эгаллаган муассаса илмий-маърифий марказ бўлади. Бино ертўласида музей омбори, қадимий қўлёзма ва осори-атиқаларни реставрация қилиш хоналари бўлади. Биринчи қаватда кутубхона, анжуманлар зали, аждодларимизнинг илм-фан ривожига қўшган улкан ҳиссаси ва меъморлик анъаналарига бағишланган кўргазма заллари жойлашади. Марказий фойега Усмон Қуръони қўйилади. Иккинчи қаватдан ахборот-ресурс маркази, илмий кафедралар ва бошқа хоналар ўрин олади.

Давлат раҳбари қурилиш жараёнини кўздан кечирди, бинонинг ички ва ташқи кўриниши, гумбаз ранглари юзасидан ўз тавсияларини берди.

- Бу марказ орқали илм, маърифат, маданият ривожига миллатимиз қўшган ҳиссани муҳрлаб қўймоқчимиз, бу улуғ меросни халқимизга, ёшларимизга етказмоқчимиз. Ислом цивилизацияси маркази шу йўналишдаги илмий муассасалар учун фундаментал база бўлиши лозим. Ўзбекистон халқаро ислом академиясидаги ўқув ишлари бу марказ билан ҳамоҳанг бўлиши, талабалар юқори курсларни шу ерда ўқиб, ўқитувчилар малака ошириши керак, - деди Шавкат Мирзиёев.

Президент Усмон Қуръонини безавол сақлаш масаласига алоҳида эътибор қаратди. Уни талабга мос ҳарорат ва ёруғлик даражасини таъминлаган ҳолда сақлаш, зиёратчилар учун қулай шароитлар яратиш бўйича давлатимиз раҳбари кўрсатмалар берди.


Манба
Kun.uz
Мавзуга оид мақолалар
Айни кунларда зиёратчиларимиз Мадина шаҳридаги Zamzam Pullman меҳмонасида истиқомат қилмоқдалар. Ушбу меҳмонхона Масжиди Набавийнинг шундоққина ёнгинасида бўлиб, давоми...

1193 15:20 / 05.06.2023
Туркиянинг Янги маҳалла тумани таълим ва интизом кенгаши мажлислар залида ҳифз курсини тамомлаган талабаларни ратификация қилиш маросими ўтказилди. Бу ҳақда TRT давоми...

1622 11:40 / 20.12.2021
Британиялик мусулмон Рамазон ойида рўза тутган ҳолда Олдхемдан Лондонгача 313 км масофани босиб ўтиб, маҳаллий хайрия ташкилотига маблағ тўплашни режа қилган. Бу давоми...

1521 14:30 / 04.05.2021
Наманган вилоятининг Косонсой туманида 150 йиллик кўҳна масжид ўрнига янгиси барпо этилмоқда. Бу ҳақда .Дарё, мухбири Азизбек Абдувалиев хабар берди.Туманнинг давоми...

2725 15:28 / 10.08.2021