1440 йил 18 зулҳижжа | 2019 йил 19 август, душанба
Минтақа:
ЎЗ UZ RU EN AR
Мақолалар

Зиммангиздаги ибодатларни мукаммал бажаринг

16:00 / 20 июнь 2292 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ёш эр-хотин бир-бирини жуда яхши кўрар, тинч-осуда ҳаёт кечиришар эди. Уларнинг табиатлари бир-бирига тескари бўлиб, хотин серҳиссиёт, эр эса босиқ эди.

Кунларнинг бирида денгиз сафарига чиқишди. Кечаси бирданига кучли шамол қўзғалди. Тўлқинлардан кема даҳшатли чайқалар, одамлар қўрқувга тушиб бақира бошлашди. Бу аҳволни кўрган хотин қаттиқ саросимага тушди. Устига-устак, кема капитанининг «Бизни мўъжиза қутқара олади, холос, Аллоҳ таолога дуо қилинглар», дейишидан ваҳимасига ваҳима қўшилди.

Эр ҳар доимгидек хотиржам эди. Бундан хотиннинг жаҳли чиқиб, эрини совуққон ва бепарволикда айблади.

Шу пайт эр ёнидаги ханжарни олдида хотинининг кўксига тираб, жиддий ва кескин оҳангда деди: «Ҳанжарни суқиб олишимдан қўрқмайсанми?».

Хотин эрининг кўзига тик қаради: «Қўрқмайман!».

Эр: «Нега қўрқмайсан?».

Хотин: «Нега қўрқай? Ахир ханжар мени яхши кўрадиган кишининг қўлида турибди-ку».

Эр табассум қилди: «Балли! Мен ҳам бу даҳшатли тўфондан нима учун қўрқай! Ахир мени яхши кўрадиган Зотнинг қўлида-ку. Нима қилса ҳам У зотнинг тақдир қилганидан бошқаси бўлмайди», деди.

Хулоса

Ҳаёт тўфони сизга таҳдид қилса, қўрқманг! Аллоҳ сизни ўзингиздан ҳам яхшироқ билади.

Қўрқманг! Барча нарсанинг тизгини сизни яхши кўрадиган Зотнинг измидадир.

Баски, нима учун жонингизни қийнайверасиз? Зиммангиздаги ибодатларни мукаммал бажаринг-да, қолганига Аллоҳ таолога таваккал қилинг, ташлаб қўймайди. Зеро, У сизни яхши кўради.

Islom.uz портали таҳририяти

Мавзуга оид мақолалар
Ислом динининг одам боласини улуғлагани, уни азиз ва мукаррам қилиб яратгани инсон ҳаётининг барча ҳолатларида намоён бўлади.Аллоҳ таоло Ғофир сурасида марҳамат давоми...

669 09:10 / 18.10.2018
Иборали дуо ва феълий дуоАллоҳ ер юзида юзага чиқарган барча воқеаларни маълум сабабларга боғлаган. Дунёдаги ва атрофдаги барча воқеалар Аллоҳнинг низоми давоми...

1146 19:00 / 03 март
Табассум учун ҳам савоб оладиган динга мансуб эканлигимизни ўйлаб қувонамиз. Аммо кулиш уёқда турсин, дардларини эсламаслик учун муттасил дори қабул давоми...

5105 14:10 / 29 январь
Саъид ибн Салм йўлда кетаётган эди, олдига бир қария келиб, ҳамроҳ бўлди ва аҳволидан шикоят қила бошлади. Иккови ёнмаён кетаётганда қария ҳассасининг учи билан давоми...

189 08:00 / 07 июль
Топ рейтинг www.uz Openstat