1446 йил 26 шаввол | 2025 йил 24 апрель, пайшанба
Минтақа:
Тошкент
ЎЗ UZ RU EN
Сийрат

Ғайридин кишилар ошлаган терилар ҳам пок бўлади

19:00 / 10.06.2019 3005 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўн тўққизинчи суннат

Ибн Ваъла ас-Сабаийдан ривоят қилинади:

«Мен Ибн Аббосдан: «Биз мағрибда бўламиз, мажусийлар мешларда сув ва ёғ келтирадилар?» деб сўрадим.

У: «Ичавер», деди.

Мен: «Бу сенинг фикрингчами?» дедим.

У: «Мен Расулуллоҳ соллаллоҳу алайҳи васалламнинг «У(тери)нинг ошланиши – покланиши», деганларини эшитганман», деди.

Муслим ривоят қилган.

Шарҳ: Ушбу ривоят соҳиби Ибн Ваъла ас-Сабаий Абдуллоҳ ибн Аббос розияллоҳу анҳуни кўриб, кўнглида тугиб юрган саволини сўрашга жазм қилди.

«Биз мағрибда бўламиз, мажусийлар мешларда сув ва ёғ келтирадилар?» деди.

Яъни бу гапнинг замирида ўша мешлардаги сувдан ичаверайликми, деган савол бор эди. Чунки мешлар теридан қилинади. Мешни мусулмон ўзи сўйган ҳайвон терисидан қилган бўлса-ку, майли. Аммо ғайридин одамники қандай бўлади, мажусийларники қандай бўлади, деган мулоҳазалар бор эди.

«У: «Ичавер», деди».

Яъни Ибн Аббос Ибн Ваълага ўша мажусийларнинг мешларидаги сувдан ичавер, дедилар. Бу жавобни эшитиб, Ибн Ваъла Ибн Аббосга:

«Бу сенинг фикрингчами?» деди. 

Яъни бу гапни ўз миянгдан чиқариб айтяпсанми ёки бирор ҳужжатга асосланибми, демоқчи бўлди.

Шунда Абдуллоҳ ибн Аббос розияллоҳу анҳу:

«Мен Расулуллоҳ соллаллоҳу алайҳи васалламнинг «У(тери)нинг ошланиши – покланиши», деганларини эшитганман», дедилар.

Демак, ғайридин кишилар ошлаган терилар ҳам пок бўлар экан.

Ушбу ҳадисдан олинадиган фойдалар:

1. Саҳобаларнинг даврида ҳам ғайридин юртларга сафар қилишлар бўлганлиги.

2. Илмли одамни кўрганда иштибоҳли масалани сўраб олиш зарурлиги.

3. Fайридинлар ошлаган тери ҳам пок бўлиши.

4. Мажусийларнинг идишидан сув ичиб, таом ейиш жоизлиги.

5. Ислом динининг кенглиги.

 «Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
. .Яъло розияллоҳу анҳудан ривоят қилинади.Расулуллоҳ соллаллоҳу алайҳи васаллам очиқ жойда изорсиз ғусл қилаётган одамни кўриб қолдилар. давоми...

4592 12:02 / 19.01.2020
395. Ҳишом ибн Омир розияллоҳу анҳудан ривоят қилинади.Уҳуд куни Расулуллоҳ соллаллоҳу алайҳи васалламга шикоят қилиб .Эй Аллоҳнинг Расули, бизга ҳар бир одамга гўр давоми...

3115 14:00 / 07.08.2020
502. Жаъфар ибн Муҳаммад розияллоҳу анҳудан, у отасидан ривоят қилинади .Жобир ибн Абдуллоҳнинг олдига кирдик. У қавм ҳақида сўради. Менга етиб келганда .Мен давоми...

4126 14:30 / 09.04.2021
Восила ибн алАсқаъ розияллоҳу анҳудан ривоят қилинади.Набий соллаллоҳу алайҳи васаллам.Албатта, Аллоҳ Исмоилнинг авлодидан Кинонани танлаб олди. Кинонадан давоми...

3837 14:24 / 08.12.2018