Одамларнинг сирларига қулоқ тутиш – жосуслик
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ таоло айтади:
«(Ўзгаларнинг айблари ортидан) жосуслик қилиб юрманглар...», деган (Ҳужурот сураси, 12-оят).
Яъни, бир киши бошқа бир биродарининг айбини қидирмасин. Аллоҳ беркитган нарсани қилишга уринмасин. Муфассирлар: «Жосуслик – мусулмонларнинг айбу нуқсонларини қидириш», деганлар.
Ибн Масъуд розияллоҳу анҳуга: «Валид ибн Уқбанинг соқолидан хамр томиб юради», дейишган эди, у зот: «Батаҳқиқ, биз жосуслик қилишдан қайтарилганмиз. Бироқ, унинг ростдан ҳам ичувчи экани маълум бўлса, уни жазолаймиз», дедилар.
Расулуллоҳ соллаллоҳу алайҳи васаллам айтдилар:«Ким бир қавмнинг гапларига, улар ёқтирмасалар-да, қулоқ солса, қиёмат кунида унинг қулоқларига эритилган қўрғошин қуйилади».
Аллоҳдан Ўзи яхши кўрган ва рози бўлган ишларига муваффақ этишини сўраймиз. У марҳаматли, саховатли зотдир.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
